Mehsana: વિસનગરમાં યુવકની થયેલી હત્યાનો ભેદ ઉકેલાયો, માતા કેમ બની કાતિલ?

માતાએ પુત્રની હત્યા કર્યાનું કબૂલ્યું

મળતી વિગતો અનુસાર પ્રિન્સ પટેલ પોતાના વ્યવસાયમાં (Business) થયેલા ભારે નુકસાનને કારણે લાંબા સમયથી માનસિક તણાવ (Mental Stress) હેઠળ હતો. માનસિક રીતે ભાંગી પડેલો પ્રિન્સ અવારનવાર આત્મહત્યાના (Suicide) વિચારો કરતો હતો અને અંતે તેણે આત્મહત્યા કરવાનો નિર્ધાર કર્યો હતો. જોકે, આ સમયે તેની માતા પ્રવીણાબેન પટેલે (Pravinaben Patel) દીકરાની આવી દયનીય હાલત જોઈને તેને રોકવાને બદલે પોતે જ સાડી વડે ગળું દબાવીને તેની હત્યા કરી નાખી હતી.

પીએમ રિપોર્ટમાં થયો મોટો ખુલાસો

શરૂઆતમાં આ ઘટના શંકાસ્પદ જણાતા પોલીસે સઘન તપાસ હાથ ધરી હતી. પીએમ રિપોર્ટમાં (Post-mortem report) ગળું દબાવવાથી મોત થયું હોવાનું સ્પષ્ટ થતાં તપાસની દિશા બદલાઈ હતી. પોલીસની કડક પૂછપરછ દરમિયાન પ્રવીણાબેને સતત ડિપ્રેશનમાં (Depression) રહેતા દીકરાથી કંટાળીને આ પગલું ભર્યાની કબૂલાત કરી છે. પુત્રના સતત વધતા માનસિક તણાવને જોઈ માતાએ આ આત્યંતિક નિર્ણય લીધો હોવાનું સામે આવ્યું છે, જેનાથી સમગ્ર વિસ્તારમાં આઘાતનું મોજું ફરી વળ્યું છે. હાલ પોલીસે માતાની ધરપકડ કરી કાયદેસરની કાર્યવાહી હાથ ધરી છે.

આ પણ વાંચોઃ Mehsana News: જેલમાં સુરક્ષા સામે સવાલો, ઓળખકાર્ડ માંગ્યું તો 3 કેદીએ હવાલદારને માર માર્યો