Mehsana ના વસઈમાં 64 લાખની લૂંટનો ભેદ ઉકેલાયો

મહેસાણામાં વિદેશ જવા ઈચ્છુક બે વ્યક્તિઓને ઠગ ટોળકીએ પોતાનો શિકાર બનાવી લાખોની છેતરપિંડી આચરી હતી. આ કેસની તપાસમાં મહેસાણા LCBને મોટી સફળતા મળી છે. પોલીસે રાજસ્થાનના જોધપુરથી વિશનસિંગ નામના આરોપીની ધરપકડ કરી તેની પાસેથી 14 લાખ રૂપિયાની રોકડ રિકવર કરી છે. આ સાથે જ વડોદરાના ભાવેશ વાળંદ નામના શખ્સને પણ ઝડપી લેવામાં આવ્યો છે. આ કેસમાં પોલીસ પાસે કોઈ ચોક્કસ પુરાવો નહોતો, પરંતુ ઘટનામાં વપરાયેલી કારના સેફ્ટીગાર્ડ પરથી પોલીસને મહત્વની કડી મળી હતી. આ કડીના આધારે તપાસનો ધમધમાટ શરૂ કરાતા સમગ્ર રેકેટનો પર્દાફાશ થયો હતો.