Noida: સુપરનોવાના 43 માં માળેથી યુવકે લગાવી છલાંગ, શરીરના થઈ ગયા ટુકડે ટુકડા

સુપરનોવા બિલ્ડિંગમાં બની ઘટના

આ ઘટના નોઈડાના સેક્ટર-94 (Noida Sector 94) માં આવેલી સુપરનોવા ઈમારતમાં બની હોવાનું સામે આવ્યું છે. સુપરનોવા નોઈડાની સૌથી ઊંચી ઈમારતોમાંની એક છે અને તેને ઉત્તર પ્રદેશ (Uttar Pradesh) ની સૌથી ઊંચી ઇમારત તરીકે પણ ઓળખવામાં આવે છે. યુવકે બિલ્ડિંગની 43 માં માળેથી છલાંગ લગાવતાં ઘટનાસ્થલે અફરાતફરી મચી ગઈ છે.  આ ઘટનામાં યુવાનના શરીરના ટુકડે ટુકડા થઈ ગયા છે.

યુવકની ઓળખ અને કારણ અંગે તપાસ

ઘટનાની જાણ થતાં જ પોલીસ અને એમ્બ્યુલન્સની ટીમ ઘટનાસ્થળે પહોંચી છે. પોલીસે મૃતદેહને કબજામાં લઈને પોસ્ટમોર્ટમ માટે મોકલી આપ્યો છે. જોકે, હાલ સુધી યુવકની ઓળખ અંગે કોઈ માહિતી સામે આવી નથી. યુવકે કયા કારણોસર આ પગલું ભર્યું તે પણ સ્પષ્ટ થયું નથી. પોલીસ સમગ્ર મામલાની તપાસ કરી રહી છે અને ઘટનાની પાછળના સંભવિત કારણો અંગે માહિતી એકત્રિત કરવામાં આવી રહી છે.

Airbnb માં રોકાયો હોવાની માહિતી

પ્રાથમિક માહિતી અનુસાર, યુવક સુપરનોવા બિલ્ડિંગમાં આવેલા Airbnb માં રોકાયો હતો. પોલીસ હવે યુવક ક્યારે બિલ્ડિંગમાં આવ્યો હતો, કોની સાથે હતો અને ઘટનાથી અગાઉ તેની કોઈ સાથે વાતચીત થઈ હતી કે કેમ તે સહિતના મુદ્દાઓની તપાસ કરી રહી છે. આ ઉપરાંત બિલ્ડિંગમાં લાગેલા CCTV કેમેરાના ફૂટેજ પણ તપાસવામાં આવી રહ્યા  છે.

આ પણ વાંચોઃ 180 લોકોના તારણહાર બન્યા કેપ્ટન Smit Machchhar, મોરારીબાપુ અને રાજભા ગઢવીએ બહાદુરીના કર્યા વખાણ