Porbandar: તોફાની તત્વો સાન ઠેકાણે આવી, પોલીસે જાહેર રસ્તા પર કાઢ્યો ભવ્ય વરઘોડો!

બે પક્ષો આમને-સામને આવી જતાં વાતાવરણ તંગ બન્યું હતું

આ ચકચારી ઘટનાની વિગત એવી છે કે મેમણવાડામાં બે પક્ષો આમને-સામને આવી જતાં વાતાવરણ તંગ બન્યું હતું. પોલીસે તાત્કાલિક ગુનો નોંધી સમગ્ર મામલે કાયદેસરની કાર્યવાહી હાથ ધરી હતી અને શાંતિ ભંગ કરનારા 8 શખ્સો સામે નામજોગ ગુનો દાખલ કર્યો હતો. પોરબંદર પોલીસે જરાય સમય બગાડ્યા વિના ગણતરીની કલાકોમાં જ તમામ 8 આરોપીઓની ધરપકડ કરી લીધી હતી. ગુનેગારોમાં કાયદાનો ભય જળવાઈ રહે અને સામાન્ય જનતામાં સુરક્ષાની ભાવના પ્રબળ બને તે હેતુથી પોલીસે તમામ નરાધમોને કડક સુરક્ષા વચ્ચે મેમણવાડાના જાહેર માર્ગો પર પગપાળા ફેરવીને તેમનો શાનદાર વરઘોડો કાઢ્યો હતો.

 Porbandar:  આ તત્વોએ આતંક મચાવ્યો હતો

પોલીસની આ સિંઘમ સ્ટાઈલ કાર્યવાહી જોઈને સ્થાનિક રહીશોમાં ભારે ખુશીની લહેર દોડી ગઈ હતી. જે વિસ્તારમાં આ તત્વોએ આતંક મચાવ્યો હતો, ત્યાં જ તેમને નતમસ્તક થઈને પોલીસની કસ્ટડીમાં જતા જોઈ સ્થાનિક લોકોએ 'પોરબંદર પોલીસ જીંદાબાદ' (Porbandar Police Zindabad) ના ઉત્સાહભેર નારા લગાવ્યા હતા. જિલ્લા પોલીસ વડાની આ કડક અને ત્વરિત કાર્યવાહીની સમગ્ર પંથકમાં પ્રશંસા થઈ રહી છે અને કડક સંદેશો ગયો છે કે જે કોઈ કાયદો હાથમાં લેશે તેની આવી જ દશા થશે.

આ પણ વાંચો: Kutch News: કંપનીના વિરોધમાં 14 ગામો મેદાને, નાની ખાખર ખાતે ઉગ્ર ધરણા પ્રદર્શન