Rajkot Mass Suicide: રાજકોટમાં પરિવારનો સામૂહિક આપઘાતનો પ્રયાસ કરનાર પતિ, પત્ની અને પુત્રના મોત

ઝેરી દવા પી આપઘાતનો પ્રયાસ

પ્રાથમિક માહિતી મુજબ, સ્મિતાબેન ખખર, દિલીપભાઈ ખખર અને તેમના પુત્ર નિશિત ખખરે ઝેરી દવા પી આપઘાતનો પ્રયાસ કર્યો હતો. ઘટનાની જાણ થતાં તાત્કાલિક ત્રણેયને સારવાર માટે હોસ્પિટલમાં ખસેડવામાં આવ્યા હતા. જોકે સ્મિતાબેનનું પ્રથમ મોત થયું હતું અને બાદમાં સારવાર દરમિયાન દિલીપભાઈ તથા નિશિતે પણ અંતિમ શ્વાસ લીધા હતા.

વ્યાજના ચક્રવ્યૂહમાં ફસાયા હોવાની આશંકા

પ્રાથમિક પોલીસ તપાસમાં પરિવાર વ્યાજના ચક્રવ્યૂહમાં ફસાયો હોવાની આશંકા સામે આવી રહી છે. આર્થિક દબાણ અને સતત વધતા નાણાકીય બોજના કારણે પરિવારે આ પગલું ભર્યું હોવાની શક્યતા વ્યક્ત કરવામાં આવી રહી છે. જોકે પોલીસે હજુ સુધી કોઈ ચોક્કસ કારણ જાહેર કર્યું નથી અને તમામ સંભવિત પાસાઓને ધ્યાનમાં રાખીને તપાસ ચાલી રહી છે. તપાસ પૂર્ણ થયા બાદ જ ઘટનાનું સાચું કારણ સ્પષ્ટ થશે.

નિવૃત્ત PWD કર્મચારીનો પરિવાર

માહિતી અનુસાર, દિલીપભાઈ ખખર જાહેર બાંધકામ વિભાગ (PWD)માં નિવૃત્ત સરકારી કર્મચારી હતા. તેમના પરિવાર સાથે બનેલી આ દુઃખદ ઘટનાએ સમગ્ર વિસ્તારમાં શોકનું વાતાવરણ સર્જ્યું છે. ઘટનાની જાણ થતાં સ્થાનિક લોકો મોટી સંખ્યામાં સ્થળ પર દોડી આવ્યા હતા અને પરિવાર પ્રત્યે સંવેદના વ્યક્ત કરી હતી.

પોલીસે હાથ ધરી સઘન તપાસ

ઘટનાની જાણ થતાં પોલીસ કાફલો તાત્કાલિક સ્થળ પર પહોંચ્યો હતો. પોલીસે ઘટનાસ્થળેથી જરૂરી પુરાવાઓ એકત્ર કરવાની કામગીરી શરૂ કરી છે. પરિવારજનો, સંબંધીઓ તેમજ નજીકના લોકોના નિવેદનો લેવામાં આવી રહ્યા છે. સાથે જ વ્યાજખોરી અથવા અન્ય કોઈ કારણ આ ઘટનાની પાછળ જવાબદાર છે કે નહીં તે મુદ્દે પણ તપાસ ચાલી રહી છે. પોલીસે જણાવ્યું છે કે તમામ પાસાઓની ઊંડાણપૂર્વક તપાસ બાદ જ સમગ્ર ઘટનાનું સાચું કારણ સામે આવશે.

આ પણ વાંચોઃ Rajkot માં એક જ પરિવારના 3 સભ્યોએ સામૂહિક આપઘાતનો પ્રયાસ કરતાં ખળભળાટ, એક મહિલાનું મોત, શું છે કારણ?