12મા માળેથી પટકાતા મોત
મળતી માહિતી મુજબ, ગંગોત્રી પાર્ક મેઇન રોડ પર આવેલા યુનિવર્સ નામના ફ્લેટમાં રાત્રિના સમયે નિમેશભાઈ ભંડેરી નામના આધેડ 12મા માળેથી નીચે પટકાયા હતા. ઊંચાઈ પરથી નીચે પટકાતા તેમને ગંભીર ઈજાઓ પહોંચી હતી. ઘટનાને પગલે આસપાસના લોકો એકત્ર થઈ ગયા હતા. બાદમાં મૃતકને હોસ્પિટલ લઈ જવામાં આવ્યા હતા, જ્યાં તબીબોએ તેમને મૃત જાહેર કર્યા હતા.
Advertisement ![Navratri Banner]()
લીવ-ઇનમાં રહેતા હોવાની માહિતી
પ્રાથમિક માહિતી અનુસાર મૃતક લીવ-ઇન રિલેશનશિપમાં રહેતા હતા. ઘટના કયા સંજોગોમાં બની અને તેઓ 12મા માળેથી કેવી રીતે નીચે પટકાયા તે અંગે હજુ સુધી સ્પષ્ટતા થઈ નથી. ઘટનાને પગલે પોલીસે મૃતક સાથે રહેતા લોકો સહિત આસપાસના વ્યક્તિઓની પૂછપરછ શરૂ કરી છે.
પરિવારજનોએ વ્યક્ત કરી શંકા
મૃતકના પરિવારજનો દ્વારા સમગ્ર ઘટનાને લઈને શંકા વ્યક્ત કરવામાં આવી છે. પરિવારની શંકા અને ઘટનાના સંજોગોને ધ્યાનમાં રાખીને પોલીસે વિવિધ દિશામાં તપાસ હાથ ધરી છે. મૃતક અકસ્માતે નીચે પડ્યા હતા, તેમણે આત્મહત્યા કરી હતી કે પછી આ ઘટનામાં કોઈ અન્ય વ્યક્તિની સંડોવણી છે તે અંગે તપાસ કરવામાં આવી રહી છે.
હત્યા કે આત્મહત્યા? પોલીસ તપાસ
પોલીસે ઘટનાસ્થળે પહોંચી જરૂરી કાર્યવાહી શરૂ કરી છે. ઈમારતના 12મા માળેથી વ્યક્તિ કેવી રીતે નીચે પડ્યા તેની તપાસ માટે સ્થળ પરથી જરૂરી પુરાવા એકત્ર કરવામાં આવી રહ્યા છે. સાથે જ આસપાસના લોકો અને સંબંધિત વ્યક્તિઓના નિવેદનો લેવામાં આવી રહ્યા છે. પોલીસ તપાસ પૂર્ણ થયા બાદ જ ઘટનાનું સાચું કારણ સામે આવશે.
આ પણ વાંચોઃ Bhayli Gangrape Case: ચકચારી ભાયલી ગેંગરેપ કેસમાં આરોપીઓનો આજે કોર્ટમાં થશે ફેંસલો, જાણો નવરાત્રીમાં બનેલી ઘટના
આ પણ વાંચોઃ Rajkot Civil Hospital: મહિલા તબીબ સાથે મારપીટ અંગે આરોગ્ય મંત્રીની ચેતવણી, દોષિત સામે કડક કાર્યવાહી થશે
