Banaskantha : ચોકલેટની લાલચે બાળકનું અપહરણ, શ્રમિક પરિવારના બાળકની ઉઠાંતરી

બનાસકાંઠાના ધનાપુરા પાટિયા પાસેથી એક શ્રમિક પરિવારના માસૂમ બાળકનું ચોકલેટની લાલચ આપી અપહરણ કરવામાં આવ્યું હતું. જોકે, બનાસકાંઠા પોલીસે ત્વરિત કાર્યવાહી કરતા ઓપરેશન 'દેવ' હાથ ધર્યું હતું. ગણતરીના કલાકોમાં પોલીસે દાંતા નજીકથી બાળકને હેમખેમ છોડાવી લીધો હતો. આ ગુનામાં ખાપરા અને મેપડા ગામના બે શખ્સોની ધરપકડ કરવામાં આવી છે. મુખ્ય આરોપી શૈલેષ ગમારે અગાઉ પણ એક બાળકને 1 લાખ રૂપિયામાં વેચ્યું હોવાની અને યુવતીઓના સોદા કરી લગ્ન કરાવ્યાની કબૂલાત કરી છે, જેનાથી આંતરરાજ્ય બાળ તસ્કરી રેકેટનો પર્દાફાશ થયો છે.