Bharuch Crime: સાસુના એક યુવક સાથે હતા આડા સંબંધ, જમાઈ સાસુની પ્રેમલીલા જાણીને ઉકળ્યો

અંકલેશ્વરના જીઆઈડીસી વિસ્તારમાં રહેતા ભોલુ માનીક મંડલને શંકા હતી કે તેની સાસુના યુપીના મુન્ના પાલ નામના યુવક સાથે આડા સંબંધો છે. આ વાતને લઈ ઉશ્કેરાયેલા જમાઈએ પોતાના સગીર સાળાને સાથે રાખી મુન્ના પાલની હત્યાનું કાવતરું રચ્યું હતું. બંનેએ મુન્ના પાલને અવાવરૂ જગ્યાએ બોલાવી તેનું ગળું કાપી ક્રૂરતાપૂર્વક હત્યા કરી નાખી હતી અને પુરાવાનો નાશ કરવા માટે લાશને ફેંકી દીધી હતી. જ્યારે લાશ મળી આવી ત્યારે સ્થાનિક પોલીસ સહિત LCB, SOG અને ડોગ સ્ક્વોડે તપાસનો ધમધમાટ શરૂ કર્યો હતો. તપાસના અંતે પોલીસે હત્યારા જમાઈ ભોલુની ધરપકડ કરી છે અને તેને જેલના સળિયા પાછળ ધકેલી દીધો છે, જ્યારે સગીર સાળા સામે કાયદેસરની કાર્યવાહી હાથ ધરી છે.