અબુ સલેમે શું દલીલ કરી હતી?

અબુ સલેમ તરફથી દલીલ કરવામાં આવી હતી કે સજામાં મળતી છૂટ (Remission)નો સમય ગણવામાં આવે તો તેણે 25 વર્ષની સજા પૂર્ણ કરી લીધી છે. તેથી હવે તેને જેલમાંથી મુક્ત કરવામાં આવવો જોઈએ. જોકે, બોમ્બે હાઇકોર્ટે અગાઉ તેની અરજીને સમય પહેલાં કરવામાં આવેલી ગણાવી હતી. હાઇકોર્ટનું કહેવું હતું કે અબુ સલેમની 25 વર્ષની સજાની અવધિ 2030માં પૂર્ણ થશે. તેથી હાલ મુક્તિની માગ કરવી સમય પહેલાંની અને ખોટી ધારણા પર આધારિત છે. આ નિર્ણય સામે અબુ સલેમે સુપ્રીમ કોર્ટમાં અપીલ કરી હતી, પરંતુ હવે સર્વોચ્ચ અદાલતે પણ હાઇકોર્ટના મતને યોગ્ય ઠેરવ્યો છે. ઉલ્લેખનીય છે કે, ફેબ્રુઆરીમાં પણ સુપ્રીમ કોર્ટે અબુ સલેમની એક અરજી ફગાવી હતી.

Supreme Court has dismissed a plea filed by 1993 Mumbai serial blasts convict and gangster Abu Salem seeking premature release from the life sentence awarded to him.

A bench of Justice Vikram Nath and Justice Sandeep Mehta found no infirmity in the Bombay High Court’s judgment…

— ANI (@ANI) September 10, 2026

પોર્ટુગલ સાથેના પ્રત્યાર્પણ કરારનો કર્યો ઉલ્લેખ

અબુ સલેમે પોતાની અરજીમાં દાવો કર્યો હતો કે પોર્ટુગલ (Portugal)થી ભારત લાવવામાં આવ્યો ત્યારે થયેલા પ્રત્યાર્પણ કરાર (Extradition Agreement) મુજબ ભારતમાં તેની જેલની સજા 25 વર્ષથી વધુ થઈ શકતી નથી. રિપોર્ટ અનુસાર ભારત અને પોર્ટુગલ વચ્ચેની શરતો મુજબ અબુ સલેમને મૃત્યુદંડ (Death Penalty) આપી શકાય નહીં અને તેની કેદ 25 વર્ષથી વધુ લંબાવી શકાય નહીં.

શું છે 1993 મુંબઈ બ્લાસ્ટ કેસ?

ઉલ્લેખનીય છે કે, 12 માર્ચ 1993ના રોજ મુંબઈમાં એક પછી એક 12 મોટા બોમ્બ બ્લાસ્ટ (Bomb Blasts) થયા હતા. આ વિસ્ફોટોમાં 250થી વધુ લોકોનાં મોત થયા હતા, જ્યારે આશરે 700થી વધુ લોકો ઘાયલ થયા હતા. અબુ સલેમને વર્ષ 2005માં પોર્ટુગલથી ભારત પ્રત્યાર્પિત કરવામાં આવ્યો હતો. બાદમાં મુંબઈ બ્લાસ્ટ કેસમાં તેની સંડોવણી બદલ કોર્ટે તેને આજીવન કેદ (Life Imprisonment)ની સજા ફટકારી હતી. હવે સુપ્રીમ કોર્ટના તાજા નિર્ણય બાદ તેની સમય પહેલાં મુક્ત થવાની માગને ફરી એક વખત નકારી દેવામાં આવી છે.

આ પણ વાંચો : Rahul Gandhi Latest News : 'રાહુલ ગાંધીને સ્પેશિયલ ટ્રીટમેન્ટ કેમ?' તેઓ VVIP નથી... વહેલી સુનાવણીની માંગ પર SC એ આપ્યો રોકડખો જવાબ!