ભારતીય સેના માટે અત્યાધુનિક હથિયારો

ભારતીય સેનાની ક્ષમતા વધારવા માટે અનેક નવા હથિયારોને મંજૂરી મળી છે. જેમાં એન્ટી-યુએવી ઈલેક્ટ્રોનિક વોરફેર સિસ્ટમ (Anti-UAV Electronic Warfare System) 'આકાશ તરંગ'નો સમાવેશ થાય છે, જે સરહદ પર દુશ્મનના ડ્રોન હુમલાઓ સામે અગ્રીમ હરોળમાં રક્ષણ આપશે. આ સાથે જ મેન-પોર્ટેબલ એન્ટી-ટેન્ક ગાઈડેડ મિસાઈલ (MPATGM) ને પણ મંજૂરી અપાઈ છે, જે પાયદળ (Infantry) ને દુશ્મનના બખ્તરબંધ વાહનોનો મુકાબલો કરવામાં સક્ષમ બનાવશે. વધુમાં, મધ્યમ રેન્જની સરફેસ-ટુ-એર મિસાઈલ (MRSAM) સિસ્ટમ લાંબા અંતરના હવાઈ જોખમો સામે સુરક્ષા કવચ પૂરું પાડશે.

ટેન્કોની સુરક્ષા કવચમાં વધારો

આ બેઠકમાં ટેન્કોની સુરક્ષાને લઈને પણ ખાસ ચિંતા કરવામાં આવી છે. મલ્ટી-સ્પેક્ટ્રલ સેન્સર્સથી સજ્જ વેરી શોર્ટ રેન્જ એર ડિફેન્સ સિસ્ટમ (V-SHORADS) ભારતીય સેનાની ત્વરિત વળતો જવાબ આપવાની ક્ષમતામાં વધારો કરશે. આ ઉપરાંત, ટેન્કો માટે એક્ટિવ પ્રોટેક્શન સિસ્ટમ (Active Protection System) અને જેટ-આધારિત કામિકેઝ ડ્રોન (Jet-based Kamikaze Drones) ને મંજૂરી આપવામાં આવી છે. આ ડ્રોન ઈલેક્ટ્રોનિક વોરફેર ક્ષમતા, વધુ મારક શક્તિ અને ખર્ચ-અસરકારકતા સાથે સેનાની તાકાતમાં નોંધપાત્ર ઉમેરો કરશે.

ભારતીય નૌકાદળની મજબૂતી

ભારતીય નૌકાદળ માટે મલ્ટી ઈન્ફલ્યુઅન્સ ગ્રાઉન્ડ માઈન (MIGM) અને નેવલ શિપબોર્ન અનમેન્ડ એરિયલ સિસ્ટમ (NSUAS) ની ખરીદીને લીલી ઝંડી આપવામાં આવી છે. MIGM દુશ્મનના જહાજો અને સબમરીન (Submarines) ની હિલચાલને રોકવામાં મદદરૂપ થશે, જ્યારે NSUAS દરિયાઈ વિસ્તારમાં દેખરેખ અને સિચ્યુએશનલ અવેરનેસ (Situational Awareness) ને વધુ સચોટ બનાવશે. આ ઉપરાંત, ઈલેક્ટ્રિક પ્રોપલ્શન સિસ્ટમ (Electric Propulsion System) માટે લેન્ડ-બેઝ્ડ ટેસ્ટિંગ ફેસિલિટી (LBTF) ની સ્થાપના કરવામાં આવશે, જે નૌકાદળના જહાજોના મોટર્સના પરીક્ષણ માટે પાયાની સુવિધા આપશે.

વાયુસેના માટે હાઈ એલ્ટિટ્યુડ ટેકનોલોજી

ભારતીય વાયુસેના માટે ફિક્સ્ડ-વિંગ હાઈ એલ્ટિટ્યુડ સ્યુડો સેટેલાઈટ (FW-HAPS) ને મંજૂરી આપવામાં આવી છે. આ ટેકનોલોજી લાંબા સમય સુધી ઈન્ટેલિજન્સ, સર્વેલન્સ અને રિકોનિસન્સ (ISR), ટેલિકોમ અને રિમોટ સેન્સિંગ જેવી મહત્વપૂર્ણ સેવાઓ પૂરી પાડશે. આનાથી વાયુસેનાની ચોકીદારી અને વ્યૂહાત્મક ક્ષમતાઓમાં ધરખમ સુધારો આવશે. આ સમગ્ર પ્રોજેક્ટ્સ 'આત્મનિર્ભર ભારત' (Atmanirbhar Bharat) ના વિઝનને આગળ વધારતા, સ્વદેશી સંરક્ષણ ઉદ્યોગોને વેગ આપશે.

આ પણ વાંચો : Ethanol Blended Petrol થી દેશને મોટો ફાયદો! માઈલેજ અને ઇન્સ્યોરન્સની અફવાઓ પર કેન્દ્રીય મંત્રીની મોટી સ્પષ્ટતા