Delhi-NCR Rain : દિલ્હી-એનસીઆરમાં વરસાદનું તાંડવ, બાલ્કની અને રસ્તા તૂટતા લોકોમાં ફફડાટ, જુઓ Video

દિલ્હીના વિવિધ વિસ્તારોમાં જળબંબાકાર

પૂર્વ દિલ્હીના દિલશાદ ગાર્ડન વિસ્તારમાં ડ્રેનેજ સિસ્ટમ નિષ્ફળ જતાં રસ્તાઓ પર પાણી ભરાઈ ગયા છે. આ જ રીતે, પૂર્વ કૈલાશમાં નેશનલ હાર્ટ ઇન્સ્ટિટ્યૂટની બહાર એક વિશાળ વૃક્ષ પડવાથી ટ્રાફિક વ્યવસ્થા સંપૂર્ણપણે ઠપ્પ થઈ ગઈ છે. નોઈડાના સેક્ટર 105 માં પણ એપાર્ટમેન્ટ નજીક વૃક્ષ પડવાના અહેવાલો છે.

ગુરુગ્રામની સોસાયટીમાં બાલ્કની તૂટી

ગુરુગ્રામના સેક્ટર 37C સ્થિત 'ઈમ્પેરિયા એસ્ફોરા' સોસાયટીમાં એક ચોંકાવનારી ઘટના સામે આવી છે. ફ્લેટની બાલ્કનીનો એક મોટો હિસ્સો અચાનક તૂટી પડ્યો હતો. સદનસીબે નીચે કોઈ ન હોવાથી મોટી જાનહાનિ ટળી હતી, પરંતુ આ ઘટનાએ આધુનિક બહુમાળી ઈમારતોની ગુણવત્તા પર ગંભીર સવાલો ઉભા કર્યા છે. સ્થાનિકોમાં વહીવટીતંત્ર સામે ભારે રોષ જોવા મળી રહ્યો છે.

#WATCH | Communters struggle to wade through a severely waterlogged road amid continuous rainfall in the city of Ghaziabad and Delhi NCR

Visuals from Vasundhara area of Ghaziabad pic.twitter.com/XqvjKJFvZW

— ANI (@ANI) July 9, 2026

ગાઝિયાબાદમાં રસ્તો બેસી જતાં વાહનો પાણીમાં ગરકાવ

ગાઝિયાબાદના વસુંધરા વિસ્તારમાં અટલ ચોક પાસે વરસાદને કારણે જમીનનું ધોવાણ થયું અને રસ્તો અચાનક બેસી ગયો. આ અકસ્માતમાં એક ટાટા પંચ કાર અને એક સ્કૂટર સીધા ખાડામાં ખાબક્યા હતા. વહીવટીતંત્રે તાત્કાલિક રાહત કામગીરી હાથ ધરી તપાસ શરૂ કરી છે.

આ પણ વાંચો :  Weather Forecast : દિલ્હી-હરિયાણા માટે વરસાદનું રેડ એલર્ટ ! જાણો ગુજરાતની કેવી રહેશે સ્થિતિ