Independence Day 2026 : સ્વતંત્રતા દિવસે પહેલીવાર સ્વદેશી 105mm લાઈટ ફીલ્ડ ગનથી અપાઈ 21 તોપોની સલામી
Independence Day 2026 : સ્વતંત્રતા દિવસ 2026ના અવસરે ભારતની સ્વદેશી 105mm લાઇટ ફીલ્ડ ગનથી 21 તોપોની સલામી આપવામાં આવી. આ તોપો માત્ર સૈન્ય પરંપરાનો ભાગ નથી, પરંતુ ભારતની વધતી આત્મનિર્ભરતા અને સંરક્ષણ ક્ષમતાનું પ્રતીક છે. ખાસ વાત એ છે કે આ જ સ્વદેશી LFGએ ઓપરેશન સિંદૂર દરમિયાન પણ પોતાની અસરકારકતા સાબિત કરી હતી. 52 સેકન્ડમાં 21 ગોળા ફાયર કરવામાં આવ્યા.
Advertisement
Independence Day 2026 : ભારતના સ્વતંત્રતા દિવસ (Independence Day) નિમિત્તે રાષ્ટ્રીય રાજધાનીમાં દેશની સ્વદેશી 105mm લાઇટ ફીલ્ડ ગન (Light Field Gun)થી 21 તોપોની સલામી આપવામાં આવી. રાષ્ટ્રના સૌથી મહત્વપૂર્ણ અને ગૌરવપૂર્ણ પ્રસંગોમાં આપવામાં આવતી આ 21-તોપોની સલામી ભારતીય સૈન્ય પરંપરામાં વિશેષ સ્થાન ધરાવે છે. હવે બ્રિટિશ સમયની તોપોને બદલે સંપૂર્ણપણે સ્વદેશી LFGનો ઉપયોગ કરવામાં આવી રહ્યો છે.
