Mehrauli building collapse: દિલ્હીના મહેરૌલીમાં ડિમોલિશન દરમિયાન 3 માળની ઈમારત ધરાશાયી, લોકો ફસાયાની આશંકા

Mehrauli building collapse: ડિમોલેશન દરમિયાન સર્જાઈ દુર્ઘટના

મળતી માહિતી મુજબ આ દુર્ઘટના સવારે લગભગ 9:30 વાગ્યે બની હતી, જ્યારે બિલ્ડર દ્વારા નવી બહુમાળી ઈમારત બનાવવાના હેતુથી જૂના મકાનને તોડી પાડવાની કામગીરી ચાલી રહી હતી. સ્થાનિક રહેવાસીઓના જણાવ્યા મુજબ, બિલ્ડર દ્વારા કામગીરીમાં ભારે બેદરકારી રાખવામાં આવતી હતી અને રાત્રિના સમયે પણ બુલડોઝર ચલાવવામાં આવતા હતા. અચાનક ઈમારતનો મોટો ભાગ તૂટી પડવાથી પાડોશમાં રહેતા અનિલ શર્માના આંગણામાં પાર્ક કરેલા લગભગ 5 જેટલા વાહનોને પણ ગંભીર નુકસાન થયું છે.

Mehrauli building collapse: તપાસ અને બચાવ કામગીરી

ઘટનાની જાણ થતા જ ફાયર બ્રિગેડના 3 એન્જિન તાત્કાલિક સ્થળ પર પહોંચી ગયા હતા. પોલીસ દ્વારા આ વિસ્તારને સુરક્ષિત કરવામાં આવ્યો છે અને ડિમોલિશન કરનાર કોન્ટ્રાક્ટરની પૂછપરછ શરૂ કરવામાં આવી છે. હાલમાં કોઈ પણ વ્યક્તિના મૃત્યુ કે ઈજાના સત્તાવાર અહેવાલ નથી, પરંતુ કાટમાળમાં કોઈ ફસાયું હોવાની આશંકાને ધ્યાનમાં રાખીને બચાવ કામગીરી યુદ્ધના ધોરણે ચાલુ રાખવામાં આવી છે. અધિકારીઓ દ્વારા સમગ્ર પરિસ્થિતિ પર ચાંપતી નજર રાખવામાં આવી રહી છે.

આ પણ વાંચો---Indian Passport Rules : શું પાસપોર્ટ હોવો એ ભારતીય નાગરિક હોવાની 100% ગેરંટી છે? જાણો વિદેશ મંત્રાલય અને ભારતનો કાયદો શું કહે છે