પ્રધાનમંત્રી ગરીબ કલ્યાણ અન્ન યોજનામાં મોટો ફેરફાર
કેન્દ્ર સરકાર દ્વારા દેશના અંતરિયાળ વિસ્તારો સુધી ખાદ્ય સુરક્ષા સુનિશ્ચિત કરવા માટે સમયાંતરે નિયમોમાં મહત્વપૂર્ણ ફેરફારો કરવામાં આવે છે . હાલમાં જ જાહેર કરાયેલા નવા નિયમો અનુસાર હવે રેશનકાર્ડ ધારકોને પોતાના જ વિસ્તારની નિયત દુકાન પર નિર્ભર રહેવાની કોઈ જરૂરિયાત રહેશે નહીં. આ નવી વ્યવસ્થાને તદ્દન બેંકિંગ સિસ્ટમ જેવી જ આધુનિક બનાવવામાં આવી છે. જેવી રીતે તમારું એકાઉન્ટ ભલે કોઈપણ બેંકમાં હોય, પરંતુ તમે દેશના કોઈપણ એટીએમ મશીન પર જઈને નાણાં ઉપાડી શકો છો, બરાબર તે જ રીતે હવે રેશનકાર્ડ ધારકો પણ આખા દેશમાં કોઈપણ વાજબી ભાવની સરકારી દુકાને જઈને પોતાના હકનું અનાજ મેળવી શકશે.
હવે બેંક એટીએમ જેવી ફ્લેક્સિબિલિટી
આ ઐતિહાસિક બદલાવ સરકારના મહત્વકાંક્ષી 'વન નેશન વન રેશન કાર્ડ' (ONORC) મિશન હેઠળ દેશવ્યાપી સ્તરે લાગુ કરી દેવામાં આવ્યો છે. આ કદમથી સરકારી અનાજની દુકાનો પર થતી ભીડ અને લાંબી કતારો ઓછી થશે તેમજ સામાન્ય લોકોને સસ્તા દરે અનાજ મેળવવામાં પડતી પ્રાદેશિક મુશ્કેલીઓનો કાયમી અંત આવશે.
એક જ દુકાન પર નિર્ભર રહેવાની જરૂર નથી
નવા સુધારા હેઠળ જે સૌથી મોટી રાહત મળી છે તે એ છે કે લાભાર્થી પરિવારોએ હવે પોતાના માસિક કોટાના તમામ અનાજ માટે કોઈ એક જ ડીલરના ભરોસે બેસી રહેવું પડશે નહીં. જો કોઈ દુકાન પર ચોખાનો સ્ટોક ઉપલબ્ધ ન હોય પરંતુ ઘઉં હાજર હોય, તો લાભાર્થી ત્યાંથી ઘઉં લઈ શકે છે અને બાકી બચેલા ચોખા પોતાની અનુકૂળતા મુજબ અન્ય કોઈ પણ રેશનિંગની દુકાનેથી મેળવી શકે છે. ઘણીવાર ટેકનિકલ ખામી, સર્વર ડાઉન થવા અથવા તો સ્ટોકની અછતના કારણે ગરીબ પરિવારો આખા મહિનાનું અનાજ મેળવી શકતા નહોતા, પરંતુ આ નવી સુવિધાથી ગરીબોને વ્યાપક પરિવર્તનનો લાભ મળશે.
ઘઉં અને ચોખા અલગ-અલગ સ્થાનોથી મેળવવાની અદભુત સુવિધા
કેન્દ્રીય રાજ્ય મંત્રી બીએલ વર્માએ આ અંગે સત્તાવાર નિવેદન આપતા જણાવ્યું છે કે, ઓનઓઆરસી (ONORC) ઇન્ફ્રાસ્ટ્રક્ચર હેઠળ પાત્ર લાભાર્થીઓ સમગ્ર ભારતમાં ગમે ત્યાંથી અનાજ મેળવવા માટે મુક્ત છે. આ આખી સિસ્ટમ ડિજિટલ નેટવર્ક પર આધારિત છે જે ગ્રાહકોને કોઈ એક ચોક્કસ ભૌગોલિક લોકેશન સાથે બાંધી રાખતી નથી.
પ્રવાસી શ્રમિકો અને તેમના પરિવારો માટે વરદાન સાબિત થતી ઓનઓઆરસી વ્યવસ્થા
રાષ્ટ્રીય ખાદ્ય સુરક્ષા અધિનિયમ (NFSA) હેઠળ દેશના તમામ રાજ્યો અને કેન્દ્રશાસિત પ્રદેશોમાં આ પોર્ટેબિલિટી સિસ્ટમ કાર્યરત કરવામાં આવી છે (NFSA Free Ration Subsidized Grain). આ વ્યવસ્થાનો સૌથી મોટો સકારાત્મક પ્રભાવ રોજગારી અર્થે સતત સ્થળાંતર કરતા પ્રવાસી શ્રમિકો અને કારીગરો પર પડશે. બાંધકામ ક્ષેત્રે કે અન્ય મજૂરી કામ માટે જે લોકો વારંવાર પોતાના વતનથી દૂર અન્ય શહેરો કે રાજ્યોમાં જાય છે, તેમને અગાઉ અનાજ મેળવવામાં બહુ તકલીફ પડતી હતી.
દેશના કોઈપણ ખૂણેથી સસ્તા દરે અનાજ મળશે
હવે નવા નિયમો હેઠળ, ડિજિટલ રેશનિંગ મશીનો પર માત્ર બાયોમેટ્રિક ઓથેન્ટિકેશન એટલે કે અંગૂઠાનું નિશાન કે આંગળીની છાપ આપીને કોઈપણ પ્રવાસી મજૂર દેશના કોઈપણ ખૂણેથી સસ્તા દરે અનાજ મેળવી શકશે. આનાથી ગરીબ પરિવારોની અન્ન સુરક્ષા મજબૂત બનશે અને ભ્રષ્ટાચાર કે અનાજ બારોબાર વેચી દેવાની ગેરકાયદે પ્રવૃત્તિઓ પર પણ કડક લગામ કસાશે.
આ પણ વાંચો : Indian Passport Rules : શું પાસપોર્ટ હોવો એ ભારતીય નાગરિક હોવાની 100% ગેરંટી છે? જાણો વિદેશ મંત્રાલય અને ભારતનો કાયદો શું કહે છે
