ઉગ્ર હોબાળા વચ્ચે લોકસભામાં Anti Paper Leak Bill પાસ
સંસદના ચોમાસુ સત્ર (Parliament Monsoon Session) દરમિયાન બે દિવસ સુધી ચાલેલી ઉગ્ર ચર્ચા અને રાજકીય ટકરાવ બાદ લોકસભાએ (Lok Sabha) જાહેર પરીક્ષાઓ સુધારો બિલ, 2026 (Public Examinations (Prevention of Unfair Means) Amendment Bill, 2026) ધ્વનિ મતથી પસાર કર્યું. બિલ પર ચર્ચા દરમિયાન સત્તાપક્ષ અને વિપક્ષ વચ્ચે ભારે હોબાળો જોવા મળ્યો હતો, જેના કારણે ગૃહનું વાતાવરણ ગરમાયું હતું. ત્યારબાદ લોકસભાની કાર્યવાહી આવતીકાલે સવારે 11 વાગ્યા સુધી સ્થગિત કરવામાં આવી. આ પહેલાં વિપક્ષના નેતા રાહુલ ગાંધી (Rahul Gandhi)એ કેન્દ્રીય ગૃહમંત્રી અમિત શાહ (Amit Shah) સામે ગંભીર આરોપો લગાવ્યા હતા. સત્તાપક્ષે આ આરોપોને સખત શબ્દોમાં ફગાવી દેતા રાહુલ ગાંધી પાસે માફીની માંગ કરી હતી. બંને પક્ષો વચ્ચે થયેલી તીવ્ર તકરારના કારણે ગૃહમાં ભારે હોબાળો મચ્યો હતો, જોકે આ તમામ ગતિવિધિઓ વચ્ચે અંતે એન્ટી પેપર લીક બિલને લોકસભાની મંજૂરી મળી હતી.
Advertisement ![Navratri Banner]()
વિદ્યાર્થીઓ પર ગોળીબારના આરોપો પર જિતેન્દ્ર સિંહનો જવાબ
સંસદના ચોમાસુ સત્ર (Parliament Monsoon Session) દરમિયાન વિદ્યાર્થીઓના વિરોધ પ્રદર્શનને લઈને ઉઠેલા ગોળીબારના મુદ્દે કેન્દ્રીય મંત્રી જિતેન્દ્ર સિંહે (Jitendra Singh) વિપક્ષના આરોપોને નકારી કાઢ્યા હતા. તેમણે સ્પષ્ટ કહ્યું કે પ્રદર્શન દરમિયાન કોઈપણ પ્રકારનો ગોળીબાર થયો નહોતો અને વિદ્યાર્થીઓ સામે માત્ર ટીયર ગેસ (Tear Gas)નો ઉપયોગ કરવામાં આવ્યો હતો. તેમણે વધુમાં જણાવ્યું કે ગોળીબાર કરવાનો નિર્ણય સરકાર કે કોઈ મંત્રી લેતા નથી, પરંતુ કાયદા મુજબ એવો આદેશ મેજિસ્ટ્રેટ (Magistrate) દ્વારા આપવામાં આવે છે. જ્યારે કોઈ ગોળીબાર જ થયો નથી, ત્યારે આદેશ કોણે આપ્યો તેવો પ્રશ્ન ઉઠાવવાનો કોઈ અર્થ નથી. જિતેન્દ્ર સિંહે લોકસભામાં વિપક્ષના નેતા રાહુલ ગાંધી (Rahul Gandhi) પર તથ્યો વિના નિવેદનો આપવાનો પણ આરોપ લગાવતા કહ્યું કે આવા આક્ષેપો હકીકતથી ઘણા દૂર છે.
રાહુલ ગાંધી પર જિતેન્દ્ર સિંહનો શાબ્દિક પ્રહાર
સંસદના ચોમાસુ સત્ર (Parliament Monsoon Session) દરમિયાન કેન્દ્રીય મંત્રી જિતેન્દ્ર સિંહ (Jitendra Singh)એ લોકસભામાં વિપક્ષના નેતા રાહુલ ગાંધી (Rahul Gandhi) પર આકરા પ્રહારો કર્યા. તેમણે દાવો કર્યો કે 21 જુલાઈના રોજ રાહુલ ગાંધી વડા પ્રધાનના નિવાસસ્થાન (PM Residence) નજીક બેઠા હતા અને જ્યારે તેમની વડા પ્રધાન બનવાની ઇચ્છા પૂર્ણ ન થઈ ત્યારે તેમણે ત્યાં વિરોધ નોંધાવવાનો માર્ગ પસંદ કર્યો. જિતેન્દ્ર સિંહે વધુમાં કહ્યું કે શરૂઆતમાં રાહુલ ગાંધી આંદોલનમાં જોડાવા માટે સંકોચ અનુભવતા હતા, કારણ કે તે આમ આદમી પાર્ટી (Aam Aadmi Party) સાથે જોડાયેલું આંદોલન હોવાનું તેઓ માનતા હતા. જોકે, જ્યારે આંદોલનને વેગ મળ્યો ત્યારે તેઓ તેમાં જોડાયા. તેમણે એવો પણ આરોપ લગાવ્યો કે PM નિવાસસ્થાન નજીકથી હટાવવામાં આવ્યા બાદ રાહુલ ગાંધી ત્યાંથી અસંતોષ અને અપમાનની લાગણી સાથે નીકળી ગયા.
આ પણ વાંચો : Rahul Gandhi in Parliament : સંસદમાં રાહુલ ગાંધી એવું શું બોલી ગયા કે થઇ ગયો હોબાળો
