PM મોદીએ Instagram પર શેર કર્યો વીડિયો

વડાપ્રધાન મોદીએ આ વીડિયો પોતાના સત્તાવાર Instagram એકાઉન્ટ પર શેર કર્યો છે. વીડિયોની શરૂઆતમાં તેઓ ગાયોને ચારો ખવડાવતા જોવા મળે છે અને ત્યારબાદ 2 મોરને દાણા નાખતા નજરે પડે છે. વીડિયો શેર કરતી વખતે PM મોદીએ લખ્યું કે, આ મિત્રોને ખવડાવવું હવે તેમની દૈનિક દિનચર્યાનો (Daily Routine) એક ભાગ બની ગયું છે. તેમણે વધુમાં જણાવ્યું કે, ગઈકાલે આ મોરોને કદાચ ખબર પડી ગઈ હતી કે તેઓ વહેલા નીકળવાના છે. તેથી તેઓ લાલ કિલ્લા જવા માટે PM મોદી નીકળે તે પહેલાં જ ત્યાં પહોંચી ગયા હતા.

 

View this post on Instagram

 

A post shared by Narendra Modi (@narendramodi)

પુંગનૂર ગાય સાથે PM મોદીનો ખાસ લગાવ

PM મોદી અગાઉ પણ ગાયોને ચારો ખવડાવતા અને મોરને દાણા નાખતા વીડિયો શેર કરી ચૂક્યા છે. તેમના નિવાસસ્થાને પુંગનૂર જાતિ (Punganur Breed)ની ગાયો પણ છે. આંધ્ર પ્રદેશના ચિત્તૂર જિલ્લામાં જોવા મળતી પુંગનૂર જાતિને પ્રાચીન અને વિશ્વની સૌથી નાની ગાયોની જાતિઓમાંની એક માનવામાં આવે છે. મકર સંક્રાંતિ (Makar Sankranti)ના અવસર પર પણ PM મોદીએ આ ગાયોને ચારો ખવડાવતો વીડિયો સોશિયલ મીડિયા પર શેર કર્યો હતો.

‘દીપજ્યોતિ’ નામના વાછરડાનો થયો હતો જન્મ

થોડા સમય પહેલાં વડાપ્રધાન મોદીએ માહિતી આપી હતી કે તેમના નિવાસસ્થાને પુંગનૂર જાતિની ગાયના એક વાછરડાનો જન્મ થયો હતો. તેમણે આ વાછરડાનું નામ ‘દીપજ્યોતિ’ (Deepjyoti) રાખ્યું હતું.

2020માં પણ વાયરલ થયો હતો મોરનો વીડિયો

ઉલ્લેખનીય છે કે, વડાપ્રધાન મોદી અગાઉ પણ મોરને દાણા ખવડાવતા જોવા મળ્યા છે. વર્ષ 2020માં તેમણે આવો જ એક વીડિયો શેર કર્યો હતો, જે સોશિયલ મીડિયા પર ખૂબ વાયરલ (Viral) થયો હતો. હવે ફરી એકવાર PM મોદીનો મોર અને ગાયોને ખવડાવતો વીડિયો Instagram પર લોકોનું ધ્યાન ખેંચી રહ્યો છે અને તેને યુઝર્સ તરફથી સારો પ્રતિસાદ મળી રહ્યો છે.

આ પણ વાંચો : Vande Mataram Controversy : કેન્દ્રીય ગૃહમંત્રીનો કોંગ્રેસ પર આકરો પ્રહાર! "વોટ બેંક માટે સોનિયા ગાંધીએ 'વંદે માતરમ્' ગીતનું અપમાન કર્યું"