Devbhumi Dwarka: કરોડોનું ઇન્ટરનેશનલ દવા કૌભાંડ ઝડપાયું, મુંબઈ-પુણે સુધી જોડાયા તાર

બિલ વગરનો લાખોની કિંમતનો જથ્થો જપ્ત

પોલીસની પ્રાથમિક તપાસમાં વાહનમાંથી પ્રેગાબાલિન કેપ્સ્યુલના 116 બોક્સ અને અન્ય 5 પાર્સલ મળી આવ્યા હતા. કાગળોની ચકાસણી કરતા માલુમ પડ્યું કે બિલમાં માત્ર 80 બોક્સ દર્શાવવામાં આવ્યા હતા, જેની સામે 41 બોક્સ ગેરકાયદેસર રીતે વધુ વહન કરાઈ રહ્યા હતા. પોલીસે આ કાર્યવાહીમાં કુલ અંદાજે 9.50 લાખથી વધુ પ્રેગાબાલિન કેપ્સ્યુલનો જથ્થો ઝડપી પાડ્યો છે. જપ્ત કરાયેલી આ દવાની આંતરરાષ્ટ્રીય બજારમાં કિંમત અંદાજે 80 લાખ 77 હજારથી વધુ હોવાનું પ્રાથમિક તારણ બહાર આવ્યું છે.

પુણે-મુંબઈથી યમન સુધીનું આંતરરાષ્ટ્રીય કનેક્શન

તપાસ દરમિયાન ખુલાસો થયો છે કે આ દવાનો જથ્થો પુણે (Pune) અને મુંબઈ (Mumbai) ની વિવિધ કંપનીઓમાંથી મંગાવવામાં આવ્યો હતો. આરોપીઓએ ખોટા બિલ, નકલી લેબલ અને બોગસ દસ્તાવેજો (Fake Documents) તૈયાર કરીને આ જથ્થો સલાયા બંદરથી દરિયાઈ માર્ગે યમન મોકલવાની પૂરેપૂરી યોજના બનાવી હતી. આ નેટવર્કમાં મુંબઈ, પુણે, જામખંભાળિયા (Jamkhambhaliya), સલાયા અને યમન સુધીના તાર જોડાયેલા છે, જેમાં પોલીસે 5 આરોપીઓ (5 Accused) સામે ગુનો નોંધ્યો છે. આ તમામ સામે ડ્રગ્સ એન્ડ કોસ્મેટિક્સ એક્ટ (Drugs and Cosmetics Act) તેમજ ભારતીય ન્યાય સંહિતા (Bharatiya Nyaya Sanhita - BNS) ની વિવિધ કલમો હેઠળ ગુનો નોંધીને આગળની તપાસ તેજ કરવામાં આવી છે.

આ પણ વાંચો: Bhavnagar: વન વિભાગની મોટી રેડ, એરપોર્ટ પરિસરમાં પ્રતિબંધિત કાચબાની મિજબાની માણતા 4 ઝડપાયા