Dwarka News : દ્વારકામાં 5253મા જન્મોત્સવની ભવ્ય ઉજવણી, જગતમંદિરની અલૌકિક રોશનીથી ઝળહળી નગરી

જગતમંદિરની ભવ્ય અને આકર્ષક રોશનીથી શણગારવામાં આવ્યું

ભગવાન શ્રીકૃષ્ણના આ મહાપર્વને ઉત્સાહભેર વધાવવા માટે દેશ-વિદેશથી હજારોની સંખ્યામાં ભક્તો દ્વારકા પહોંચી રહ્યા છે. શ્રીકૃષ્ણ જન્મોત્સવના આ પવિત્ર અવસરે દ્વારકામાં ભક્તિ, આસ્થા અને સંસ્કૃતિનો અદ્ભુત ત્રિવેણી સંગમ જોવા મળી રહ્યો છે. લાઈટોથી ઝળહળતું જગતમંદિર અને ભક્તોનો અપાર ઉત્સાહ આ મહાપર્વની દિવ્યતામાં વધુ અભિવૃદ્ધિ કરે છે, જે અહીં આવનાર દરેક શ્રદ્ધાળુના હૃદયમાં કાયમ માટે એક અવિસ્મરણીય સંસ્મરણ છોડી જાય છે.

દેશ-વિદેશથી હજારો ભક્તો દ્વારકા પહોંચવાની સંભાવના

આ પર્વ નિમિત્તે સમગ્ર નગરીને દુલ્હનની જેમ સજાવવામાં આવી છે. મંદિરમાં દર્શન માટે આવતા ભાવિક ભક્તો માટે તંત્ર દ્વારા વિશેષ વ્યવસ્થાઓ ગોઠવવામાં આવી છે, જેથી દરેક શ્રદ્ધાળુ સુગમતાથી અને શાંતિપૂર્વક દર્શનનો લાભ લઈ શકે. ભક્તિના આ અનોખા રંગમાં રંગાયેલા વાતાવરણથી આખી દ્વારકા નગરી સંપૂર્ણપણે કૃષ્ણમય બની ગઈ છે, જ્યાં દરેક જગ્યાએ માત્ર 'હાથી ઘોડા પાલખી, 'જય કનૈયા લાલ કી' ના નારાઓ જ ગુંજી રહ્યા છે. આ પર્વની દિવ્યતા અદ્ભુત છે.

આ પણ વાંચો : Ahmedabad Rape Case : આનંદનગર રેપ કેસમાં 50થી વધુ સાક્ષીઓના નિવેદન સાથે કોર્ટમાં ચાર્જશીટ રજૂ