Dwarka: ખંભાળિયામાં શાકભાજીના વેપારીની ઘાતકી હત્યાથી ચકચાર, કારણ જાણી હચમચી જશો!

હત્યા પાછળનું શું છે કારણ?

મૃતક આસીફભાઈ સોનાના દાગીના (Gold Ornaments) પહેરવાના શોખીન હતા, જે વાતની જાણકારી આરોપીઓને હતી. આ જ બાબત તેમના માટે ઘાતક સાબિત થઈ. તપાસમાં ખુલાસો થયો છે કે મુખ્ય સૂત્રધાર હાજાભાઈ આસાણી અને તેની સાથે રહેલા એક કિશોરે આસીફભાઈની હત્યાનું પૂર્વ આયોજિત કાવતરું રચ્યું હતું. આ બંને આરોપીઓ મૃતકના પરિચિત જ હતા, જેથી આસીફભાઈ તેમના પર શંકા નહોતા કરતા. આરોપીઓએ ઈકો કારમાં (Eco Car) આસીફભાઈને નિશાન બનાવી તેમની હત્યા કરી હતી.

પોલીસની તપાસ અને મુદ્દામાલની જપ્તી

ઘટનાની ગંભીરતાને ધ્યાનમાં રાખીને જિલ્લા પોલીસની વિવિધ ટીમો દ્વારા ટેકનિકલ સર્વેલન્સ અને ઝીણવટભરી તપાસ હાથ ધરવામાં આવી હતી. આ તપાસના આધારે પોલીસે મુખ્ય સૂત્રધાર હાજાભાઈ આસાણી અને એક કિશોરની ધરપકડ કરી છે. પોલીસે ગુનાના સ્થળેથી કબજે કરેલા મુદ્દામાલમાં અંદાજે 28 લાખ રૂપિયાના સોનાના દાગીના અને હત્યામાં વપરાયેલી ઈકો કાર મળીને કુલ 29.27 લાખ રૂપિયાનો મુદ્દામાલ જપ્ત કર્યો છે.

કાયદેસરની કાર્યવાહી

પોલીસે આ સમગ્ર મામલે ગુનો નોંધીને આરોપીઓને જેલના સળિયા પાછળ ધકેલી દીધા છે. આ ઘટનાએ સમગ્ર ખંભાળિયા પંથકમાં ચકચાર મચાવી દીધી હતી, પરંતુ પોલીસની ત્વરિત કાર્યવાહીને કારણે ખૂબ જ ટૂંકા સમયમાં આ કેસનો ભેદ ઉકેલાઈ ગયો છે. હાલ કાયદેસરની કાર્યવાહી ચાલી રહી છે અને આગામી દિવસોમાં વધુ વિગતો બહાર આવવાની શક્યતા છે.

 આ પણ વાંચોઃ LIVE: Gujarat Latest News: PM મોદીના હસ્તે સાણંદમાં CG સેમિકન્ડક્ટર પ્લાન્ટનું ઉદ્ઘાટન