Adhik Maas 2026: પંચાંગનો મોટો સંયોગ, આજથી જેઠ અધિક માસનો પ્રારંભ, પવિત્ર દિવસોમાં ભૂલથી પણ ન કરતા આ ભૂલો

• Adhik Maas 2026: આજથી પવિત્ર પુરુષોત્તમ માસનો પ્રારંભ
• મંદિરોમાં વહેલી સવારથી ભક્તોની ભીડ ઉમટી
• જેઠ અધિક માસ 15 જૂન 2026 ના રોજ પૂર્ણ થશે
• ભક્તિ માટે 2 મહિનાનો અદ્ભુત સંયોગ
• દર 3 વર્ષે સૂર્ય અને ચંદ્ર વર્ષ વચ્ચેના 11 દિવસના તફાવતને સંતુલિત કરવા બને છે અધિક માસ
• ભગવાન વિષ્ણુની કૃપા મેળવવા માટે કરો બતાવેલા ઉપાયો
• અધિક માસમાં વાદ-વિવાદ અને તામસિક ભોજનથી દૂર રહેવું

Adhik Maas 2026: હિંદુ પંચાંગ (Calendar) માં આજથી (17 મે 2026) પવિત્ર અધિક માસ અથવા પુરુષોત્તમ માસની શરૂઆત થઈ ગઈ છે. સનાતન ધર્મમાં આ સમયગાળાને વિશેષ ધાર્મિક અને આધ્યાત્મિક મહત્વ (Spiritual Importance) આપવામાં આવ્યું છે. સામાન્ય રીતે દર 3 વર્ષે આવતો આ વધારાનો મહિનો આત્મમંથન, સાધના અને ઈશ્વર આરાધના માટે ઉત્તમ ગણાય છે. આ પવિત્ર દિવસોમાં શ્રદ્ધાળુઓ ભગવાન વિષ્ણુની ભક્તિમાં લીન રહે છે. આ મહિનામાં કરેલા સત્કર્મોનું પુણ્ય અનેકગણું વધી જાય છે.

Adhik Maas નો પ્રારંભ અને ક્યારે સમાપ્ત થશે?

ચાલુ વર્ષે આ પવિત્ર મહિનાની શરૂઆત આજથી એટલે કે, 17 મે 2026 થી થઈ ગઈ છે અને 15 જૂન 2026 ના રોજ અધિકામ સમાપ્ત થશે. આ બે મહિનાનો દુર્લભ જેઠ અધિક માસ (Jeth Adhik Maas) છે. જ્યોતિષશાસ્ત્રની દૃષ્ટિએ જ્યારે કોઈ ચંદ્ર માસમાં સૂર્યનું સંક્રાંતિ પરિવર્તન (Solar Transit) થતું નથી, ત્યારે તે વધારાના સમયને અધિક માસ કહેવામાં આવે છે. ભગવાન વિષ્ણુએ આ માસને પોતાનું નામ આપ્યું હોવાથી તેને પુરુષોત્તમ માસ (Purushottam Maas) પણ કહેવાય છે.

કેવી રીતે બને છે આ Adhik Maas?

આપણી પરંપરામાં પંચાંગ ચંદ્ર અને સૂર્યની ગતિ પર આધાર રાખે છે. ચંદ્ર વર્ષ (Lunar Year) લગભગ 354 દિવસનું હોય છે, જ્યારે સૂર્ય વર્ષ (Solar Year) 365 દિવસનું હોય છે. આ રીતે બંને વચ્ચે દર વર્ષે આશરે 11 દિવસનો તફાવત (Difference) આવે છે. આ તફાવત દર 3 વર્ષે વધીને 1 મહિના બરાબર થઈ જાય છે. સમયનું આ સંતુલન (Balance) જાળવવા કેલેન્ડરમાં એક વધારાનો મહિનો ઉમેરવામાં આવે છે.

આ પણ વાંચો---- Astrology News : ભાગ્ય ચમકાવશે આ 5 વીંટી: જાણો કઈ આંગળીમાં પહેરવાથી થશે અઢળક ધનલાભ!

Adhik Maas માં શ્રીહરિને પ્રસન્ન કરવાના ઉત્તમ ઉપાયો

અધિક માસ દરમિયાન આધ્યાત્મિક પ્રવૃત્તિઓ (Spiritual Activities) નું પ્રમાણ વધી જાય છે. ભગવાન વિષ્ણુ, શ્રીકૃષ્ણ અને રામના નામનો જાપ કરવો સૌથી વધુ શ્રેષ્ઠ માનવામાં આવે છે. દરરોજ સવારે સ્નાન કરીને વિષ્ણુ પૂજા કરવાથી માનસિક શાંતિ મળે છે. આ સાથે ગીતા, રામચરિતમાનસ કે વિષ્ણુ સહસ્ત્રનામ (Vishnu Sahasranamam) નું પાઠ કરવું લાભદાયી છે. ગરીબોની સેવા અને દીપદાન કરવાથી ઘરમાં સકારાત્મક ઊર્જા આવે છે.

• દરરોજ સવારે સ્નાન કરીને ભગવાન વિષ્ણુની પૂજા કરો.
• ગીતા, રામચરિતમાનસ અને વિષ્ણુ સહસ્ત્રનામનું પાઠ કરવા
• જરૂરિયાતમંદો અને ગરીબોને મદદ-દાન કરવું
• જપ-તપ, વ્રત, પૂજા-પાઠ, ભજન-કીર્તન, સત્સંગ, ધાર્મિક પુસ્તકોનું વાંચન કરવું
• તુલસી પૂજા અને દીપદાન કરવું પણ શુભ માનવામાં આવે છે

ભૂલથી પણ કયા કાર્યો ન કરવા?

આ સમયગાળો ભક્તિ અને સાધના (Devotion) માટે અનામત હોવાથી સાંસારિક સુખોથી દૂર રહેવાની સલાહ અપાય છે. આ પવિત્ર દિવસોમાં લગ્ન, ગૃહપ્રવેશ અને મુંડન જેવા શુભ કાર્યો (Auspicious Rituals) વર્જિત માનવામાં આવે છે. વ્રત કરનારે વિવાદ, ગુસ્સો, નશો અને તામસિક ખોરાકથી દૂર રહેવું જોઈએ. કોઈનું અપમાન કે અનાદર કરવાથી ભગવાન નારાયણ નારાજ થઈ શકે છે.

• લગ્ન, ગૃહપ્રવેશ અને મુંડન જેવા શુભ કાર્યો ટાળવા
• વાદ-વિવાદ, ગુસ્સો અને અપશબ્દો જેવી ગેરપ્રવૃત્તિઓથી દૂર રહેવું
• અધિક માસ દરમિયાન તામસિક ખોરાક અને નશાનું સેવન ના કરવું
• કોઈનું અપમાન કે અનાદર ન કરવું
• ખોટું બોલવું અને ખોટા કામોથી અંતર રાખવું

Adhik Maas 2026: સુખ-સમૃદ્ધિ માટે આ વસ્તુઓનું કરો દાન

શાસ્ત્રોમાં આ દિવસોમાં દાન-પુણ્ય (Charity) નું વિશેષ મહત્વ વર્ણવવામાં આવ્યું છે. ઘઉં, ચોખા અને દાળ જેવા અનાજનું દાન કરવાથી અન્નના ભંડાર ભરેલા રહે છે. પીળા કપડા, ફળ અને શુદ્ધ ઘીનું દાન ગ્રહોના અશુભ પ્રભાવ (Negative Effects) ને ઘટાડે છે. શ્રદ્ધાપૂર્વક કરેલું દાન જીવનમાં સમૃદ્ધિ લાવે છે અને ભગવાન નારાયણની કૃપા વરસાવે છે.

આ પણ વાંચો---- Ganga Dussehra પર સૂર્યનું મોટું પરિવર્તન: આ 4 રાશિના જાતકો પર થશે રૂપિયાનો વરસાદ, શું તમારી રાશિ છે આમાં?