BAPS Abu Dhabi Temple: અબુ ધાબી BAPS હિન્દુ મંદિરની બીજી વર્ષગાંઠની ભવ્ય ઉજવણી, 8000થી વધુ ભક્તોએ માણ્યો ભક્તિસભર ઉત્સવ

સ્વામી બ્રહ્મવિહારીદાસે પરમ પૂજ્ય મહંત સ્વામી મહારાજ વતી સૌનું સ્વાગત કર્યું

કાર્યક્રમની શરૂઆત BAPS ના સ્વયંસેવકો દ્વારા પ્રસ્તુત 'કીર્તન ભક્તિ' થી થઈ હતી. આ પ્રસંગે ઉપસ્થિત સ્વામી બ્રહ્મવિહારીદાસે [Swami Brahmaviharidas] પરમ પૂજ્ય મહંત સ્વામી મહારાજ વતી સૌનું સ્વાગત કર્યું હતું. તેમણે મંદિરની પ્રગતિની તુલના એક નાના બાળક સાથે કરતા જણાવ્યું કે, જે રીતે બાળક બે વર્ષની ઉંમરે બોલતા શીખે છે, તેમ આ મંદિરે માત્ર બે જ વર્ષમાં 40 લાખથી વધુ મુલાકાતીઓ, રાજદ્વારીઓ અને પ્રવાસીઓનું સ્વાગત કરીને વિશ્વને શાંતિ અને સંવાદિતાનો સંદેશ આપ્યો છે.

Advertisement

આ સમારોહમાં યુએઈના મંત્રી પણ હાજર

આ સમારોહમાં યુએઈના મંત્રી શેખ નાહ્યાન બિન મુબારક અલ નાહ્યાને [Sheikh Nahyan bin Mubarak Al Nahyan] હાજરી આપી હતી. તેમણે જણાવ્યું હતું કે આ મંદિર દરેક ધર્મ અને સંસ્કૃતિના લોકોને એકતાના તાંતણે બાંધવાનું કાર્ય કરી રહ્યું છે. ભારતના રાજદૂત ડૉ. દીપક મિત્તલ [Dr. Deepak Mittal] અને અન્ય વિદેશી રાજદૂતોએ પણ આ મંદિરને માનવતા અને સામાજિક એકતાનું જીવંત ઉદાહરણ ગણાવ્યું હતું.

ઉજવણી દરમિયાન 'મંદિર ટોક્સ ટુ ધ ફેમિલીઝ' અંતર્ગત એક વિશેષ ઓડિયો-વિઝ્યુઅલ રજૂઆત કરવામાં આવી હતી, જેમાં દર્શાવવામાં આવ્યું હતું કે કેવી રીતે આ મંદિર પરિવારોને આધ્યાત્મિક રીતે નજીક લાવી રહ્યું છે. અંતમાં, બાળકો દ્વારા પર્યાવરણ અને રાષ્ટ્રીય સંવાદિતા જાળવવા માટે સામૂહિક પ્રતિજ્ઞા લેવડાવવામાં આવી હતી, જે ઉજવણીનું મુખ્ય આકર્ષણ રહ્યું હતું.

આ પણ વાંચો : Khatu Shyam Mela: ખાટુ શ્યામ ફાલ્ગુન મેળો 2026, સંપૂર્ણ પ્રવાસ માર્ગદર્શિકા અને બજેટ પ્લાન

આ પણ વાંચો : Mahakaleshwar Jyotirlinga : બાબા મહાકાલની આરતીના સમયમાં ફેરફાર