Salman Khan ના હાથમાં હંમેશા 'લકી' બ્રેસલેટ નજરે પડે, જાણો શું છે ખાસ
- સલમાન ખાનનો આજે 60 મો જન્મદિવસ છે
- બોલિવૂડના ભાઇજાનના હાથમાં હંમેશા એક લકી બ્રેસલેટ જોવા મળે છે
- સલમાનનું ગુડલક તેમાં સમાયેલું હોવાની પ્રબળ લોકચર્ચાઓ ચાલી રહી છે
Salman Khan's Bracelet Secret : "બોલિવૂડના ભાઈ" તરીકે જાણીતા સલમાન ખાનનો આજે 60 મો જન્મદિવસ છે. સલમાન ફિલ્મ ઉદ્યોગના એવા સુપર હીરોમાંનો એક છે, જેમને સુપરહિટ ફિલ્મની ગેરંટી માનવામાં આવે છે. સલમાન ખાન જ્યોતિષમાં પણ માને છે, જે તેમના હાથ પરના હંમેશા જોવા મળતા બ્રેસલેટ દ્વારા સાબિત થાય છે, આ બ્રેસલેટમાં એક ખાસ રત્ન છે. એવું કહેવાય છે કે, જ્યારથી સલમાને આ બ્રેસલેટ પહેર્યું છે, ત્યારથી તે બોલીવુડમાં જાણીતું નામ બની ગયા છે. સલમાન તેના બ્રેસલેટ પર કયો રત્ન પહેરે છે, અને તેના ખાસ તથ્યો વિશે ચાલો જાણીએ વધુ...
...ત્યારથી ફિલ્મોમાં સફળતા મળી
જાણકારોના મતે, સલમાનના બ્રેસલેટમાં રહેલા રત્નને ફિરોઝા કહેવામાં આવે છે. એવું પણ કહેવાય છે કે, સલમાન ખાનના પિતા સલીમ ખાને તેને આ રત્ન ભેટમાં આપ્યો હતો. ત્યારથી, સલમાન હંમેશા તેને તેના હાથમાં પહેરે છે. જ્યારથી તેણે આ રત્ન પહેરવાનું શરૂ કર્યું છે, ત્યારથી તેની ફિલ્મો સફળ થઇ રહી છે. ઘરે હોય કે બહાર, સલમાન ક્યારેય આ બ્રેસલેટ તેના હાથમાંથી કાઢતો નથી.
દુર્ભાગ્ય દૂર થાય છે
જ્યોતિષશાસ્ત્ર અનુસાર, ચોક્કસ રત્ન પહેરવાથી દુર્ભાગ્ય દૂર થઈ શકે છે. ફિરોઝા આમાંથી એક છે. ફિરોઝા રંગ ગુરુ ગ્રહ સાથે સંકળાયેલો છે. તેને પહેરવાથી સૌભાગ્ય વધે છે, અને દુર્ભાગ્ય દૂર થાય છે. સાથે જ તેને ધારણ કરનારને સુખ અને સમૃદ્ધિ મળે છે, સાથો સાથ ખ્યાતિ પણ મળે છે. ખાસ વાત એ છે કે, ફિરોઝા રંગ ભારતનો નથી, પરંતુ તુર્કીનો છે. તેને વીંટી, તાવીજ અને બ્રેસલેટમાં પહેરી શકાય છે.
ખરાબ સમયનો અંત આવે
ફિરોઝા તમારા સારા નસીબને વધારવાની સાથે, પણ ખરાબ નજરથી પણ રક્ષણ આપે છે. જો કોઈ વ્યક્તિ ખરાબ સમયમાંથી પસાર થઈ રહ્યો હોય, અને જ્યોતિષની સલાહ પર ફિરોઝા રંગ પહેરે, તો ખરાબ સમય ધીમે ધીમે અંત તરફ જાય છે, અને સારો સમય આવવા લાગે છે. જો કે, ધ્યાનમાં રાખવું કે, વિદ્વાનની સલાહ વિના તેને પહેરવાથી ફાયદાને બદલે નુકસાન થઈ શકે છે.
Disclaimer : આ લેખમાં દર્શાવેલ સૂચનો અને માહિતી માત્ર સામાન્ય માહિતીના હેતુ માટે છે અને તેને વ્યાવસાયિક સલાહ તરીકે સમજવી જોઈએ નહીં. Gujarat First News તેની સત્યતા, ચોકસાઈ અને અસરકારકતા માટે જવાબદારી લેતું નથી. કોઈપણ પ્રશ્નો અથવા ચિંતાઓ માટે હંમેશા તમારા નિષ્ણાંતની સલાહ લો.
આ પણ વાંચો ------ મહાભારતમાં પાંડવ પક્ષે શક્તિશાળી યોદ્ધાના મોતથી ભગવાન થયા હતા ખુશ, જાણો કારણ