આ દિવસે દિવસમાં રાત જેવો અનુભવ થશે, જાણો શા માટે તેને કહેવાય છે 'સદીનું સૌથી લાંબુ ગ્રહણ'?
- Solar Eclipse 2027 : ખગોળ વિજ્ઞાનની દુનિયામાં 21મી સદીની સૌથી મોટી ઘટના
- ચંદ્ર સૂર્યને પૂરેપૂરો ઢાંકી દેશે, પૃથ્વી પર છવાશે અંધારું
- સામાન્ય ગ્રહણ કરતા બમણા સમય સુધી ચાલશે આ નઝારો
- ભારતમાં દેખાશે આંશિક અસર, અન્ય દેશોમાં દેખાશે પૂર્ણ ગ્રહણ
- વૈજ્ઞાનિકો અને ખગોળ પ્રેમીઓમાં ભારે ઉત્તેજનાનો માહોલ
Solar Eclipse 2027 : ખગોળ વિજ્ઞાન (Astronomy) ની દુનિયામાં 2 ઓગસ્ટ 2027 નો દિવસ સુવર્ણ અક્ષરે લખાવાનો છે. આ દિવસે એક અત્યંત દુર્લભ ખગોળીય ઘટના એટલે કે સૂર્યગ્રહણ (Solar Eclipse) આકાર લેશે. આ ઘટના એટલા માટે ખાસ છે કારણ કે તેમાં ચંદ્ર, સૂર્ય અને પૃથ્વી એક સીધી રેખામાં આવી જશે, જેના પરિણામે સૂર્ય પૂરેપૂરો ઢંકાઈ જશે. આ સૂર્યગ્રહણની સૌથી મોટી ખાસિયત તેની અવધિ છે. તે લગભગ 6 મિનિટ અને 23 સેકન્ડ સુધી ચાલશે, જે તેને 21મી સદીનું સૌથી લાંબુ સૂર્યગ્રહણ બનાવે છે.
Solar Eclipse 2027 : શું છે આ સૂર્યગ્રહણનું મહત્વ?
પંચાંગ અને ખગોળ શાસ્ત્ર અનુસાર, સામાન્ય રીતે પૂર્ણ સૂર્યગ્રહણ (Total Solar Eclipse) માત્ર 2 થી 3 મિનિટ સુધી જ રહેતું હોય છે. પરંતુ 2027નું આ ગ્રહણ 6 મિનિટથી વધુ ચાલવાનું હોવાથી તેને 'સદીનું મહાગ્રહણ' કહેવામાં આવી રહ્યું છે. ભારતમાં આ સૂર્યગ્રહણ આંશિક (Partial Solar Eclipse) તરીકે જોવા મળશે, પરંતુ સાઉદી અરેબિયા, ઇજિપ્ત, સ્પેન અને સોમાલિયા જેવા દેશોમાં તે પૂર્ણ સ્વરૂપે દેખાશે. આ વિસ્તારોમાં ધોળા દિવસે મિનિટો સુધી ગાઢ અંધકાર છવાઈ જશે, જે એક અદભૂત અનુભવ હશે.
Surya Grahan on Rashi
ધાર્મિક માન્યતાઓ અને સાવચેતી
સૂર્યગ્રહણ (Solar Eclipse) માત્ર ખગોળીય ઘટના જ નથી, પણ ભારતીય પરંપરામાં તેનું ધાર્મિક મહત્વ પણ છે. ગ્રહણ દરમિયાન ખાસ સાવચેતી રાખવી જરૂરી છે. ક્યારેય પણ સુરક્ષા વગર નરી આંખે સૂર્યને ન જોવો જોઈએ, કારણ કે તેનાથી આંખોને કાયમી નુકસાન થઈ શકે છે. ધાર્મિક માન્યતા મુજબ, સગર્ભા મહિલાઓએ ગ્રહણ દરમિયાન બહાર નીકળવાનું ટાળવું જોઈએ. તેમજ ગ્રહણ કાળમાં ભોજન રાંધવા કે ખાવા પર પણ મનાઈ હોય છે, કારણ કે એવું માનવામાં આવે છે કે આ સમયે વાતાવરણમાં નકારાત્મક ઉર્જાનો પ્રભાવ વધી જાય છે.
Disclaimer: આ સમાચારમાં આપવામાં આવેલી માહિતી ધાર્મિક માન્યતાઓ અને જ્યોતિષ શાસ્ત્રની અને ખગોળીય વિજ્ઞાન પર આધારિત છે. 'ગુજરાત ફર્સ્ટ' આની પુષ્ટિ કરતું નથી.
આ પણ વાંચો : Labh Drishti Yoga 2026 : 11 મેથી સૂર્ય-ગુરુની યુતિ, આ 4 રાશિઓ પર થશે સોનાનો વરસાદ!