Mahakaleshwar Ujjain : આરતીમાં ભાગ લેવાની પ્રક્રિયા સરળ બનાવાઇ

• Mahakaleshwar Ujjain મંદિર સમિતિએ મોટો નિર્ણય જાહેર કર્યો
• બાબા મહાકાલના ભક્તો હવે સરળતાથી આરતીમાં બેસવાનું બુકીંગ કરાવી શકશે
• સાંજ અને શયન આરતીમાં પોતાની બેઠક સુનિશ્ચિત કરવા ઓનલાઇન બુકીંગ થશે
• દૂર દૂરથી આવતા ભક્તોને આરતીનો લાભ મળે તે માટે પારદર્શી પ્રક્રિયા શરૂ કરાઇ

Mahakaleshwar Ujjain : મધ્યપ્રદેશના ધાર્મિક શહેર ઉજ્જૈનમાં મહાકાલેશ્વરની (Shri Mahakaleshwar Jyotirlinga Temple) મુલાકાત લેતા ભક્તોને હવે સાંજ અને શયન આરતીમાં હાજરી આપવાનું સરળ બનશે, કારણ કે, આ બંને આરતીઓ માટે હવે ઓનલાઈન બુકિંગની સુવિધા શરૂ કરવામાં આવી છે. સત્તાવાર માહિતી અનુસાર, મંદિર વ્યવસ્થાપન સમિતિએ મહાકાલેશ્વર જ્યોતિર્લિંગમાં દર્શન પ્રણાલીને વધુ સુલભ, પારદર્શક અને કાર્યક્ષમ બનાવવા માટે એક મહત્વપૂર્ણ પગલું ભર્યું છે. ઉજ્જૈનમાં ડિજિટલાઇઝેશન પ્રક્રિયાનો વિસ્તાર કરીને (Onlie Aarti Booking - Mahakaleshwar Ujjain), સમિતિએ બાબા મહાકાલની સાંજની આરતી અને શયન આરતી માટે બુકિંગ પ્રક્રિયા સંપૂર્ણપણે ઓનલાઈન બનાવવાનો નિર્ણય લીધો છે. જેને લઇને હવે ભક્તો આરતીમાં પોતાનું સ્થાન સુનિશ્ચિત કરાવી શકશે, અને દૂરદૂરથી આવતા ભક્તોને ધક્કો નહીં પડે.

 

View this post on Instagram

 

A post shared by Shri Mahakaleshwar Mandir Prabhandha Samitee Ujjain Official (@shrimahakaleshwarjyotirlingam)

આ પણ વાંચો ------- Anjani Mahadev Temple : હવામાનના પડકાર વચ્ચે શ્રદ્ધાળુઓ 'અડગ'

Mahakaleshwar Ujjain, બે વખત બુકીંગ ખુલશે

ભારત અને વિદેશના ભક્તો હવે સત્તાવાર વેબસાઇટ દ્વારા તેમના ઘરેથી આરતી માટે તેમની બેઠકને સુરક્ષિત કરી શકશે. સાંજની આરતી માટે ઓનલાઈન બુકિંગ દરરોજ બપોરે 12 વાગ્યે શરૂ થશે, અને શયન આરતી માટે, બુકિંગ દરરોજ સાંજે 4 વાગ્યે શરૂ થશે. બંને આરતીઓ માટે પ્રતિ ભક્ત રૂ. 250 (ઝડપી દર્શન માટે) ફી નક્કી કરવામાં આવી છે. બાબા મહાકાલના દર્શનાર્થે દૂર દૂરથી આવતા ભક્તોને પોષાય તે વાતને ધ્યાને રાખીને આ રકમ નક્કી કરવામાં આવી હોવાનું જાણવા મળ્યું છે.

લાઇનમાં લાગવું પડશે

આ બુકિંગ પ્રક્રિયા સંપૂર્ણપણે વહેલા તે પહેલા ધોરણે હાથ ધરવામાં આવશે. મંદિર વ્યવસ્થાપનની વ્યવસ્થા અનુસાર, બાબા મહાકાલની આરતીમાં હાજરી આપનારા ભક્તોને ફક્ત ગેટ નંબર એક દ્વારા જ પ્રવેશ આપવામાં આવશે. સાંજની આરતી માટે સાંજે 6 વાગ્યા સુધીમાં પ્રવેશ ફરજિયાત કરવાનો રહેશે, અને શયન આરતી માટે ફક્ત રાત્રે 10 વાગ્યા સુધી જ પ્રવેશ આપવામાં આવશે. મંદિર વ્યવસ્થાપને સ્પષ્ટતા કરી છે કે, બંને આરતીઓના નિર્ધારિત સમય દરમિયાન મોબાઇલ દર્શન વ્યવસ્થા સરળતાથી ચાલુ રહેશે. આનાથી જે ભક્તોએ આરતી માટે બુકિંગ કરાવ્યું નથી, તેઓ કતારમાં જોડાઈને બાબા મહાકાલના દર્શન સરળતાથી કરી શકશે.

આ પણ વાંચો ------- Vaishno Devi Mandir ના પરિસરમાં વીડિયો લેનારનું આવી બનશે !