Parama Ekadashi 2026: મુરાસુરનો વધ અને એકાદશી વ્રતનો ઉદય, ભગવાન વિષ્ણુના શરીરમાંથી ઉત્પન્ન દેવીની વાર્તા જાણો

ભગવાન વિષ્ણુના તેજમાંથી એકાદશી દેવીનું પ્રાગટ્ય

પ્રાચીન કાળમાં મુરા નામના અત્યાચારી રાક્ષસે દેવતાઓને ખૂબ હેરાન કર્યા હતા. ભગવાન વિષ્ણુએ આ રાક્ષસ સાથે 1000 વર્ષ સુધી યુદ્ધ કર્યું પણ તે સફળ ન થયા. અંતે ભગવાન વિષ્ણુ આરામ કરવા એક ગુફામાં ગયા. મુરાસુર નામના રાક્ષસે તે સમયે હુમલો કરવાનો પ્રયત્ન કર્યો, ત્યારે ભગવાન વિષ્ણુના તેજમાંથી એક દૈવી શક્તિ પ્રગટ થઈ. આ દેવીએ મુરાસુરને યુદ્ધમાં પડકારી તેનો વધ કર્યો. ભગવાન વિષ્ણુ જાગ્યા ત્યારે તેમણે દેવીના પરાક્રમથી પ્રસન્ન થઈને તેમને વરદાન માંગવા કહ્યું.

ભગવાન વિષ્ણુનું વરદાન અને વ્રતની પરંપરા

દેવીએ ભગવાન વિષ્ણુને પ્રાર્થના કરી કે જે દિવસે તેમનો જન્મ થયો છે, તેને દુનિયામાં સૌથી પવિત્ર ગણવામાં આવે. તેમણે વિનંતી કરી કે જે વ્યક્તિ આ દિવસે ભક્તિભાવથી વ્રત રાખે તેને વિશેષ પુણ્ય પ્રાપ્ત થાય. દેવીનો જન્મ ચંદ્ર મહિનાની એકાદશી તિથિએ થયો હતો તેથી તેમનું નામ એકાદશી રાખવામાં આવ્યું. ભગવાન વિષ્ણુએ આ તિથિને પોતાની અતિ પ્રિય જાહેર કરી. આ વરદાન બાદથી એકાદશી વ્રત રાખવાની પરંપરા શરૂ થઈ, આમ આ એકાદશીનો દિવસ વિષ્ણુ ભક્તિ માટે શ્રેષ્ઠ બની ગયો.

વ્રતનો મુખ્ય હેતુ અને આધ્યાત્મિક શાંતિ

શાસ્ત્રો મુજબ એકાદશીનો અર્થ અગિયાર થાય છે. આપણા શરીરમાં 5 જ્ઞાનેન્દ્રિયો, 5 કર્મેન્દ્રિયો અને 11 મું મન છે. એકાદશીના વ્રતનો મૂળ ઉદ્દેશ્ય મનને કુવિચારોથી દૂર રાખીને ઈશ્વરની ભક્તિમાં જોડવાનો છે. આ દિવસે ઉપવાસ કરવાથી વ્યક્તિના અનેક જન્મોના પાપો ધોવાઈ જાય છે. માનસિક શાંતિ અને આધ્યાત્મિક ઉન્નતિ માટે આ વ્રત અત્યંત અનિવાર્ય ગણાય છે. જે ભક્ત નિષ્ઠાપૂર્વક આ વ્રતનું પાલન કરે છે, તેના પર ભગવાન વિષ્ણુની પરમ કૃપા હંમેશા રહે છે.

Disclaimer: ઉપરોક્ત આપેલી માહિતી ધાર્મિક માન્યતાઓ અને સામાન્ય માહિતી પર આધારિત છે. Gujarat First News તેનું સમર્થન કરતું નથી.

આ પણ વાંચો--- World Highest Shivling in Varanasi : વિશ્વનું સૌથી મોટું શિવલીંગ વારાણસીમાં તૈયાર કરાશે