પ્રેમાનંદ મહારાજે ખોલ્યું ભગવાનને પ્રસન્ન કરવાનું રહસ્ય, આ રીતે મળશે વરદાન!

• ભગવાન પાસેથી વરદાન મેળવવાનું રહસ્ય ખોલતા પ્રેમાનંદ મહારાજ (Premanand Maharaj Spiritual Advice)
• ભગવાનને પ્રસન્ન કરવા માટે બ્રહ્મચર્ય અને અલ્પ આહાર અનિવાર્ય
• નિરંતર નામ જપ કરવાથી હૃદયના જન્મોજન્મના પાપ થશે નષ્ટ
• કોઈની નિંદા કરવી કે સાંભળવી એ સાધનામાં સૌથી મોટો અવરોધ
• ચક્રવર્તી રાજા બનવા કરતા પરમાત્માનું દાસત્વ માંગવું એ સર્વોચ્ચ

Premanand Maharaj Spiritual Advice : વૃંદાવનના વિખ્યાત સંત પ્રેમાનંદ મહારાજ પાસે જ્યારે પણ કોઈ ભક્ત પોતાની જિજ્ઞાસા લઈને પહોંચે છે, ત્યારે મહારાજજી તેને આધ્યાત્મિકતાનો સાચો માર્ગ બતાવે છે. તાજેતરમાં જ એક ભક્તે મહારાજજીને પ્રશ્ન પૂછ્યો કે, "ભગવાન પાસેથી મનવાંછિત વરદાન મેળવવા માટે કઈ તપસ્યા કે સાધના કરવી જોઈએ? ભગવાન ક્યારે સ્વયં પ્રગટ થઈને વરદાન આપે?"

સફળ સાધના માટેના મુખ્ય નિયમો પ્રેમાનંદ મહારાજે આ પ્રશ્નનો ખૂબ જ સચોટ જવાબ આપતા જણાવ્યું કે, જેઓ ભગવાન પાસે કંઈક માંગવાની ઈચ્છા રાખે છે (અર્થાર્થી ભક્ત), તેઓ પણ ભગવાનના જ છે. પરંતુ જો તમે ખરેખર સિદ્ધિ ઈચ્છતા હોવ તો સૌથી પહેલા 'બ્રહ્મચર્ય'નું પાલન કરવું અનિવાર્ય છે. બીજી શરત એ છે કે સાધકે હંમેશા પવિત્ર અને અલ્પ આહાર લેવો જોઈએ, જે માત્ર શરીરને ટકાવી રાખવા માટે પૂરતો હોય. આ સાથે જ નિરંતર 'નામ જપ' એ શ્રેષ્ઠ માર્ગ છે.

Premanand Maharaj Spiritual Advice : શું ન કરવું જોઈએ?

મહારાજજીએ ચેતવણી આપતા કહ્યું કે સાધકે ક્યારેય કોઈની નિંદા ન કરવી જોઈએ અને ન તો સાંભળવી જોઈએ. ભગવાનનો સાક્ષાત્કાર કરવો એ કોઈ રમત નથી. જો બ્રહ્મચર્ય ખંડિત થાય છે તો સાધનાનો પ્રવાહ અટકી જાય છે. મનુષ્ય દેહ મળ્યો છે તો તેને વ્યર્થ ન ગમાવી સતત ભગવાનનું નામ રટવું જોઈએ.

Premanand Maharaj Spiritual Advice : ભગવાન ક્યારે પ્રગટ થશે?

જ્યારે ભક્તે પૂછ્યું કે આમાં કેટલા દિવસ લાગશે? ત્યારે મહારાજે ગંભીરતાથી કહ્યું કે, "જ્યાં સુધી પ્રગટ ન થાય ત્યાં સુધી કરતા રહો." તેમણે સમજાવ્યું કે વર્ષોના પાપ કર્મોને કારણે હૃદય પર મેલ જમા થયો હોય છે. જ્યાં સુધી નામ જપ દ્વારા હૃદય શુદ્ધ નહીં થાય, ત્યાં સુધી પરમાત્માના પ્રકાશનો અનુભવ નહીં થાય.

ચક્રવર્તી રાજા કે ભગવાનનું દાસત્વ?

જ્યારે ભક્તે 'ચક્રવર્તી રાજા' બનવાનું વરદાન માંગવાની ઈચ્છા વ્યક્ત કરી, ત્યારે મહારાજજીએ હસીને કહ્યું કે કળિયુગમાં હવે ચક્રવર્તી જેવું કશું રહ્યું નથી. તેમણે શિખામણ આપી કે જો તમે સ્વયં ભગવાનને જ માંગી લો, તો આખું બ્રહ્માંડ તમારું થઈ જશે. સંસારના નશ્વર પદાર્થો માંગવા કરતા ભગવાનના ચરણોનું દાસત્વ માંગવું એ જ સાચું અને મોટું વરદાન છે.

આ પણ વાંચો : Spiritual: પંચતત્વ મુજબ બાર રાશિ, જાણો તમારી રાશિનો સ્વભાવ અને ગુણધર્મો