Sawariya Seth Temple: મેવાડના સુપ્રસિદ્ધ સાંવરિયા શેઠ મંદિરમાં નવા નિયમો, 56 ભોગ અને મોરપંખ પર પ્રતિબંધ
- Sawariya Seth Temple: સાંવરિયા સેઠ મંદિરે નવા નિયમો
- સાંવરિયા શેઠના દરબારમાં નવી વ્યવસ્થા
- હવે ભક્તો નહીં ચઢાવી શકે '56 ભોગ' અને મોરપંખ
- સાંવરિયા શેઠ મંદિરમાં દર્શન માટે વહીવટી તંત્રનો મોટો નિર્ણય
- દર્શનમાં લાગતો સમય ઘટાડવા માટે લેવાયો નિર્ણય
Sawariya Seth Temple: રાજસ્થાન (Rajasthan) ના ચિત્તોડગઢ જિમાં આવેલા અને મેવાડના આસ્થાના કેન્દ્ર સમાન શ્રી સાંવરિયા શેઠ મંદિરમાં નવા નિયમો લાગુ કરાયા છે. વહીવટી તંત્ર દ્વારા દર્શનની વ્યવસ્થાને વધુ સુલભ બનાવવા માટે મહત્વના ફેરફારો કરવામાં આવ્યા છે. હવેથી મંદિરમાં ભક્તો પોતાની મરજી મુજબ '56 ભોગ' (56 Bhog) ધરાવી શકશે નહીં, તેમજ ભગવાનને મોરપંખ (Peacock Feather) ચઢાવવા ઉપર પણ સંપૂર્ણ પ્રતિબંધ મૂકવામાં આવ્યો છે. તિરુપતિ બાલાજી મંદિરની તર્જ પર આ નવા નિયમો (New Rules) અમલમાં મુકવામાં આવ્યા છે. જેનો મુખ્ય ઉદ્દેશ્ય સામાન્ય ભક્તોને પડતી મુશ્કેલીઓ દૂર કરવાનો અને દર્શન માટે લાગતી લાંબી લાઈનોમાં રાહ જોવાનો સમય ઘટાડવાનો છે.
Sawariya Seth Temple: ભક્તોનો સમય બચાવવા માટે નિર્ણય
સાંવરિયા શેઠ મંદિરમાં દિવસભર ભક્તોનો ભારે ધસારો રહેતો હોય છે, જેના કારણે દર્શન માટે કલાકો સુધી રાહ જોવી પડે છે. મંદિર મંડળના અવલોકન મુજબ જ્યારે પણ કોઈ ભક્ત ભગવાનને '56 ભોગ' અર્પણ કરે છે, ત્યારે તે આખી પ્રક્રિયામાં અંદાજે 1 કલાક જેટલો સમય વ્યતીત થાય છે. દિવસ દરમિયાન આવા 3 થી 4 ભોગ લાગતા હોવાથી સામાન્ય દર્શનાર્થીઓની લાઈન લાંબા સમય સુધી અટકી જતી હતી. ભક્તોની આ સુવિધા અને સમયની બચત (Time Management) ને ધ્યાનમાં રાખીને વહીવટી તંત્રએ આ આયોજનબદ્ધ નિર્ણય લીધો છે.
આ પણ વાંચો----- Kedarnath Jyotirlinga : કેદારનાથમાં શિવલિંગ ત્રિકોણીય હોવા પાછળનું આ રહ્યું રહસ્ય !
Sawariya Seth Temple: સ્વચ્છતા અને શુદ્ધતા જાળવવા પર વિશેષ ભાર
નવા નિયમો લાગુ કરવા પાછળ માત્ર ભીડનું સંચાલન (Crowd Management) જ નહીં, પરંતુ ખાદ્ય સામગ્રીમાં થતી ભેળસેળ (Adulteration) રોકવાનો પણ ઉમદા હેતુ છે. બહારથી આવતા ભોગની શુદ્ધતા અને ગુણવત્તા પર નિયંત્રણ રાખવા તેમજ મંદિર પરિસરમાં સ્વચ્છતા (Sanitation) જાળવવા માટે આ પ્રતિબંધ અનિવાર્ય જણાયો છે. આ ઉપરાંત, ભગવાનને મોરપંખ ચઢાવવાથી થતી અવ્યવસ્થાને રોકવા માટે પણ મનાઈ ફરમાવવામાં આવી છે. આ ફેરફારોથી મંદિરના ગર્ભગૃહમાં થતી ભીડ ઓછી થશે અને દરેક ભક્ત શાંતિથી દર્શન કરી શકશે.
Sawariya Seth Temple: ભક્તો માટે દર્શનના સમયની નવી સૂચિ
મંદિર મંડળ દ્વારા ભક્તોની જાણકારી માટે દર્શન અને આરતીના સમયમાં પણ સ્પષ્ટતા કરવામાં આવી છે. સામાન્ય રીતે મંદિર સવારે 5:00 કલાકે ખુલે છે અને મંગલા આરતી (Mangala Aarti) 5:30 કલાકે થાય છે. ત્યારબાદ રાજભોગ આરતી (Rajbhog Aarti) બપોરે 12:00 કલાકે અને સંધ્યા આરતી (Evening Aarti) સાંજે 7:30 કલાકે યોજાય છે. છેલ્લે શયન આરતી (Shayan Aarti) રાત્રે 8:00 કલાકે થયા બાદ મંદિરના દ્વાર બંધ કરવામાં આવે છે. ભક્તોને વિનંતી કરવામાં આવી છે કે તેઓ આ નવા નિયમોનું પાલન કરે અને વહીવટી તંત્રને સહકાર આપે જેથી દરેક શ્રદ્ધાળુને ભગવાનના આશીર્વાદ સરળતાથી મળી રહે.
આ પણ વાંચો----- Hindu Tradition : શબયાત્રા સામે હાથ જોડીને શિશ ઝુકાવવાનું કારણ જાણો