Somvati Amavasya 2026: કેમ ખાસ છે સોમવતી અમાસ? જીવનની નકારાત્મકતા દૂર કરી ભાગ્ય ચમકાવવા માટે અજમાવો આ સરળ ઉપાય

દાન માટેના શુભ મુહૂર્ત અને વિધિ

સાંજે ગોધૂલિ મુહૂર્ત (સંધ્યાકાળનો સમય) સાંજે 07.17 થી 07.37 સુધી રહેશે. દાન કરતી વખતે કેટલીક બાબતોનું ધ્યાન રાખવું ખૂબ જરૂરી છે. દાન હંમેશા નિઃસ્વાર્થ ભાવે અને પૂર્ણ શ્રદ્ધા સાથે કરવું જોઈએ. દાનમાં આપવામાં આવતી વસ્તુઓ હંમેશા સ્વચ્છ અને ઉત્તમ ગુણવત્તાની હોવી જોઈએ. તે પહેલાં સ્વયં ગંગાજળ મિશ્રિત પાણીથી સ્નાન કરવું ખૂબ જ કલ્યાણકારી છે.

કઈ વસ્તુઓનું દાન છે ફળદાયી?

શ્રદ્ધાળુઓ પોતાની ક્ષમતા મુજબ વિવિધ વસ્તુઓનું દાન કરી શકે છે. જરૂરિયાતમંદ લોકોને ચોખા, દાળ અથવા લોટનું દાન કરવાથી ઘરમાં અનાજની ક્યારેય અછત સર્જાતી નથી. પિતૃઓની શાંતિ માટે કાળા તલનું દાન ખૂબ વિશેષ માનવામાં આવે છે. ગરીબ વ્યક્તિને વસ્ત્ર દાન કરવું પણ અત્યંત પુણ્યનું કામ ગણાય છે. ગોળ અને ઘીનું દાન કરવાથી શરીર નિરોગી રહે છે અને પરિવારમાં શાંતિ જળવાય છે.

નકારાત્મકતા દૂર કરવાનો સરળ ઉપાય

આ દિવસે સાંજના સમયે ઘરના મુખ્ય દરવાજા પર અથવા નજીકના મંદિરમાં સરસવના તેલનો દીવો જરૂર પ્રગટાવવો. આ ઉપાયથી ઘરમાં રહેલી નકારાત્મક ઉર્જાનો નાશ થાય છે. સાત્વિક ભાવ સાથે કરવામાં આવેલી ભક્તિ અને દાન વ્યક્તિના ભાગ્યમાં બદલાવ લાવી શકે છે. સોમવતી અમાસ પર કરેલા નાના પણ શ્રદ્ધાપૂર્વકના કાર્યો અનેક ગણું પુણ્ય ફળ આપે છે. આ દિવસ આસ્થા અને ભક્તિના પ્રતીક તરીકે ખૂબ મહત્વ ધરાવે છે.

આ પણ વાંચો---- Somvati Amavasya Junagadh: સોમવતી અમાસનો અનેરો મહિમા, જૂનાગઢના દામોદર કુંડમાં ભક્તોએ કર્યું પવિત્ર સ્નાન