Surya Grahan 2026 Time : શું ભારતમાં દેખાશે રિંગ ઓફ ફાયર? જાણો સમય

• 17 ફેબ્રુઆરીએ વર્ષનું પ્રથમ સૂર્ય ગ્રહણ: આકાશમાં સર્જાશે 'રિંગ ઓફ ફાયર'!
• ભારતીય સમયાનુસાર બપોરે 3:26 થી શરૂ થઈ સાંજે 7:57 વાગ્યે પૂર્ણ થશે ગ્રહણ
• ભારતમાં સૂર્ય ગ્રહણ દૃશ્યમાન ન હોવાથી સૂતક કાલના નિયમો પાળવા અનિવાર્ય નથી
• આફ્રિકા અને એન્ટાર્કટિકા જેવા દેશોમાં આકાશી નજારો સ્પષ્ટ જોઈ શકાશે
• કુંભ રાશિમાં સૂર્ય અને રાહુની યુતિથી જ્યોતિષીય દૃષ્ટિએ ગ્રહણ યોગ સર્જાશે

Surya Grahan 2026 Time : વર્ષ 2026નું પ્રથમ સૂર્ય ગ્રહણ (Solar Eclipse 2026) આવતીકાલે એટલે કે 17 ફેબ્રુઆરી, મંગળવારના રોજ થવા જઈ રહ્યું છે. આ ખગોળીય ઘટના કુંભ રાશિ અને ધનિષ્ઠા નક્ષત્રમાં આકાર લેશે. વિજ્ઞાનની ભાષામાં આ ગ્રહણને 'રિંગ ઓફ ફાયર' (Ring of Fire) તરીકે ઓળખવામાં આવે છે, જે નજારો આકાશમાં અદભૂત દેખાશે.

Surya Grahan 2026 Time :ભારત પર તેની અસર અને સૂતક કાલ

ખગોળ પ્રેમીઓ માટે જાણવું જરૂરી છે કે વર્ષનું આ પ્રથમ સૂર્ય ગ્રહણ ભારતમાં દેખાવાનું નથી. ભારત (India) માં દૃશ્યમાન ન હોવાને કારણે અહીં સૂતક કાલ (Sutak Kaal) પણ માન્ય રહેશે નહીં. આથી, મંદિરોના દ્વાર ખુલ્લા રહેશે અને પૂજા-પાઠ જેવી ધાર્મિક વિધિઓ પર કોઈ રોકટોક રહેશે નહીં.

Surya Grahan 2026 Time :ગ્રહણનો સમય અને અવધિ

ભારતીય સમયાનુસાર આ સૂર્ય ગ્રહણ બપોરે 3:26 વાગ્યે શરૂ થશે અને સાંજે 7:57 વાગ્યે પૂર્ણ થશે. આ ગ્રહણની કુલ અવધિ આશરે 4 કલાક અને 32 મિનિટની રહેશે. સાંજે 5:42 મિનિટે ગ્રહણ તેના મધ્ય ચરણમાં હશે, તે સમયે સૂર્ય આકાશમાં સળગતી વીંટી જેવો એટલે કે 'રિંગ ઓફ ફાયર' જેવો દેખાશે.

ક્યાં જોવા મળશે આ નજારો?

ભારતમાં દેખાવાનું ન હોવા છતાં, આ ગ્રહણ દક્ષિણ આફ્રિકા (South Africa), તાંઝાનિયા (Tanzania), ઝામ્બિયા (Zambia) અને ઝિમ્બાબ્વે (Zimbabwe) જેવા દેશોમાં સ્પષ્ટ જોઈ શકાશે. તે સિવાય એન્ટાર્કટિકા (Antarctica) ના મોટાભાગના વિસ્તારો અને દક્ષિણ મહાસાગરની આસપાસના વિસ્તારોમાં પણ તે દૃશ્યમાન થશે.

શું છે 'રિંગ ઓફ ફાયર'?

નાસા (NASA) ના જણાવ્યા મુજબ, જ્યારે ચંદ્ર પૃથ્વીથી તેના સૌથી મહત્તમ અંતરે હોય છે અને સૂર્ય ગ્રહણ થાય છે, ત્યારે ચંદ્ર સૂર્યને સંપૂર્ણપણે ઢાંકી શકતો નથી. પરિણામે સૂર્યનો મધ્ય ભાગ કાળો દેખાય છે અને તેની આસપાસ તેજસ્વી પ્રકાશનું એક ગોળ કુંડાળું બની જાય છે. આ ચમકતો ઘેરો આગની વીંટી જેવો દેખાતો હોવાથી તેને 'રિંગ ઓફ ફાયર' કહેવામાં આવે છે.

જ્યોતિષીય મહત્વ

જ્યોતિષ શાસ્ત્ર મુજબ, આ ગ્રહણ કુંભ રાશિ (Aquarius) માં થવા જઈ રહ્યું છે, જ્યાં સૂર્યની સાથે રાહુ, બુધ, શુક્ર અને ચંદ્ર પણ હાજર રહેશે. સૂર્ય અને રાહુની આ યુતિને 'ગ્રહણ યોગ' માનવામાં આવે છે, જેને જ્યોતિષીય દૃષ્ટિએ અશુભ માનવામાં આવે છે.

આ પણ વાંચો : Man Buddhi Chitta Ahamkara : કામના મુક્તિ: હૃદયથી બ્રહ્મ સુધીની યાત્રા