Swami Kailashanand Giri : ઉત્તર પ્રદેશ સરકારના વરિષ્ઠ નેતા અને જલ શક્તિ મંત્રી સ્વતંત્ર દેવ સિંહ હરિદ્વાર સ્થિત સિદ્ધપીઠ દક્ષિણ કાલી મંદિરે પહોંચ્યા હતા. તેમણે અહીં પરમપૂજ્ય આચાર્ય મહામંડલેશ્વર સ્વામી કૈલાશાનંદ ગિરીજી મહારાજના દર્શન કરીને તેમના આશીર્વાદ પ્રાપ્ત કર્યા હતા.
મંત્રી સ્વતંત્ર દેવ સિંહે પણ કર્યો રૂદ્રાભિષેક
મંત્રી સ્વતંત્ર દેવ સિંહે આચાર્ય મહામંડલેશ્વર સ્વામી કૈલાશાનંદ ગિરીજી મહારાજની ચાલી રહેલી 22 કલાકની કઠિન સાધનાના પ્રત્યક્ષ દર્શન કર્યા હતા અને રૂદ્રાભિષેક પૂજામાં પણ વિશેષરૂપે સામેલ થયા હતા. આ દરમિયાન તેમણે ભગવાન શિવની વિધિવત પૂજા-અર્ચના કરીને દેશ અને રાજ્યની સુખ-સમૃદ્ધિ તેમજ લોકકલ્યાણ માટે પ્રાર્થના કરી હતી.
આચાર્ય મહામંડલેશ્વર સ્વામી કૈલાશાનંદ ગિરીજી મહારાજની આ સાધના અને રૂદ્રાભિષેક વેળાએ મંદિર પરિસરમાં શ્રદ્ધાળુઓની મોટી ભીડ જોવા મળી હતી. આ દિવ્ય વાતાવરણમાં મંત્રી સ્વતંત્ર દેવ સિંહે ગુરુદેવના તપ, ત્યાગ અને શિવ આરાધનાને નમન કરી આદર વ્યક્ત કર્યો હતો.
![]()
25 દિવસની કઠિન તપસ્યા અને પીડામાં પણ મહાદેવનું નામ
પૂજ્ય ગુરુદેવે સતત 25 દિવસ સુધી, રોજ 20 થી 27 કલાક સુધી એક જ આસનમાં બેસીને અવિરત તપસ્યા કરી છે. શરીરની અસહ્ય પીડા અને કઠિન પરિસ્થિતિઓમાં પણ તેમના મુખમાંથી માત્ર પોતાના આરાધ્યનું નામ જ નીકળતું હતું. આ દિવ્ય સાધનાના સાક્ષી બનેલા ભક્તોની આંખોમાં શ્રદ્ધાના આંસુ આવી ગયા હતા અને સમગ્ર વાતાવરણ શિવમય બની ગયું હતું.
આ પણ વાંચો : Swami Kailashanand Giri : શારીરિક પીડા અને ભૂખ-તરસથી પરે, સ્વામી કૈલાશાનંદ ગિરીની કઠિન સાધના જોઈ નતમસ્તક થયા સંતો
