Bollywood News : ‘ગેસ્ટ લિસ્ટથી લઈને વેન્યુ સુધી…’, સામે આવી એક-એક ડિટેલ, જાણો ક્યારે અને ક્યાં લગ્ન કરશે આમિર ખાન-ગૌરી સ્પ્રેટ

બોલિવૂડ સુપરસ્ટાર આમિર ખાન અને ગૌરી સ્પ્રેટના લગ્નની સત્તાવાર વિગતો

હિન્દી સિનેમા જગતમાં પોતાના દમદાર અભિનય અને શાનદાર ફિલ્મો આપનારા અભિનેત્રી આમિર ખાન ફરી એકવાર પોતાની પર્સનલ લાઈફના કારણે સમાચારમાં છે . છેલ્લા કેટલાક સમયથી ચાલી રહેલી તમામ અટકળો પર વિરામ મુકાઈ ગયો છે કારણ કે હવે આ લગ્નની સત્તાવાર તારીખ સામે આવી ચૂકી છે. 5 જુલાઈના રોજ આમિર ખાન પોતાની લોન્ગ ટાઈમ ગર્લફ્રેન્ડ ગૌરી સ્પ્રેટ સાથે લગ્ન કરશે . આ લગ્નની તારીખ ખૂબ જ નજીક હોવાના કારણે ફેન્સ અને બોલિવૂડના ગલીયારાઓમાં આ કપલને લઈને ભારે ઉત્સાહ જોવા મળી રહ્યો છે.

બાંદ્રાના આલીશાન નિવાસસ્થાને સાદગીપૂર્વક યોજાશે આમિર ખાનના ત્રીજા લગ્ન

બોલિવૂડના મોટાભાગના કલાકારો ડેસ્ટિનેશન વેડિંગ કરવાનું પસંદ કરતા હોય છે, પરંતુ આમિરે એક અલગ અને સાદગીપૂર્ણ રસ્તો પસંદ કર્યો છે. સત્તાવાર સૂત્રોના જણાવ્યા અનુસાર, આમિર ખાનની આ ત્રીજી શાદી મુંબઈના પોશ વિસ્તાર બાંદ્રામાં આવેલા તેમના પોતાના હોમ ગ્રાઉન્ડ એટલે કે અંગત નિવાસસ્થાને જ યોજાશે.

સાદગીપૂર્વક વિધિઓ પૂર્ણ કરવામાં આવશે

આ મંગલ પ્રસંગમાં ભવ્ય દેખાડો કરવાને બદલે અત્યંત સાદગીપૂર્વક વિધિઓ પૂર્ણ કરવામાં આવશે. આ વૈવાહિક કાર્યક્રમ 5 જુલાઈના દિવસના પ્રથમ ભાગમાં એટલે કે સવારના શુભ મુહૂર્તમાં સંપન્ન થશે તેવી વિગતો મળી રહી છે. આમિર ખાન આ લગ્નને મીડિયાની લાઈમલાઈટથી દૂર રાખીને અંગત પળો તરીકે માણવા ઈચ્છે છે.

વિદેશી મહેમાનો અને ફેમિલી મેમ્બર્સની હાજરી વચ્ચે થશે શાહી મંગલ ફેરા

મનોરંજન જગતના અહેવાલો મુજબ, આ લગ્ન પ્રસંગમાં મોટા પ્રમાણમાં ભીડ એકઠી કરવામાં નહીં આવે. ગેસ્ટ લિસ્ટની વાત કરીએ તો તેમાં માત્ર 150 જેટલા અત્યંત નજીકના લોકોને જ આમંત્રિત કરવામાં આવ્યા છે. આ 150 લોકોની યાદીમાં આમિર ખાન અને ગૌરી સ્પ્રેટના પરિવારના સભ્યો, ભાઈ-બહેનો અને અંગત મિત્રો સામેલ છે. રિવાર ઉપરાંત, ગૌરી સ્પ્રેટના ખાસ મિત્રો અને કેટલાક વિદેશી મહેમાનો પણ આ લગ્નમાં હાજરી આપવા માટે ખાસ મુંબઈ આવી રહ્યા હોવાના સંકેત મળ્યા છે. ઉદ્યોગના આંતરિક સૂત્રોના જણાવ્યા મુજબ, લગ્ન બાદ બોલિવૂડના કલાકારો માટે એક નાનું આયોજન કરવામાં આવી શકે છે, પરંતુ ૫ જુલાઈએ માત્ર નજીકના સંબંધીઓ જ હાજર રહેશે.

રીના દત્તા અને કિરણ રાવ સાથેના અગાઉના સંબંધો

ગૌરી સ્પ્રેટ સાથે લગ્ન કરતા પહેલા આમિર ખાનના બે લગ્ન થઈ ચૂક્યા છે. આમિરના પ્રથમ લગ્ન રીના દત્તા સાથે થયા હતા અને બીજા લગ્ન ફિલ્મ ડાયરેક્ટર કિરણ રાવ સાથે થયા હતા. જો કે, સમય જતાં આમિરના આ બંને લગ્ન સફળ રહ્યા ન હતા અને પરસ્પર સહમતિથી તેમણે છૂટાછેડા (Divorce) લીધા હતા. બંને પૂર્વ પત્નીઓ સાથે આમિરના સંબંધો આજે પણ ખૂબ જ સૌહાર્દપૂર્ણ છે.

ત્રણેય બાળકો લગ્નમાં રહેશે હાજર

પ્રથમ પત્ની રીના દત્તાથી આમિર ખાનને બે સંતાનો છે, જેમના નામ જુનૈદ ખાન અને ઇરા ખાન છે. જ્યારે બીજી પત્ની કિરણ રાવથી તેમને એક દીકરો છે જેનું નામ આઝાદ ખાન છે. આ લગ્નની સૌથી સકારાત્મક અને મોટી વાત એ છે કે પિતા આમિર ખાનના આ ત્રીજા લગ્ન પ્રસંગમાં તેમના ત્રણેય બાળકો એટલે કે જુનૈદ, ઇરા અને આઝાદ પૂરા ઉત્સાહ સાથે હાજર રહેશે અને પોતાના પિતાના નવા જીવનની શરૂઆતને આવકારશે.

આ પણ વાંચો : Shraddha Kapoor Fees : ‘ઈઠ્ઠા’ માટે 15 કરોડ, તો આગામી બાયોપિક માટે કેટલા? શ્રદ્ધા કપૂરની નવી ફી સાંભળી પ્રોડ્યુસર્સના હોશ ઊડ્યા!