Aamir Khan Third Wedding: બોલિવૂડ સુપરસ્ટાર આમિર ખાને 60 વર્ષની ઉંમરે કર્યાત્રીજા લગ્ન, ગૌરી સ્પ્રેટ બની દુલ્હન

Aamir Khan Third Wedding: બાંદ્રા સ્થિત ઘર લાઈટોથી ઝગમગી ઉઠ્યું

આમિર ખાને મુંબઈના બાંદ્રા વિસ્તારમાં આવેલા પોતાના ઘરમાં ગર્લફ્રેન્ડ ગૌરી સ્પ્રેટ સાથે લગ્ન કર્યા છે. મુંબઈમાં ભારે વરસાદની વચ્ચે શનિવારે જ અભિનેતાનું ઘર રોશનીથી ઝગમગી ઉઠ્યું હતું. છેલ્લા લાંબા સમયથી આ બંને અવારનવાર સાથે જોવા મળતા હતા. ત્યારબાદ બંનેના સંબંધોની ચર્ચાઓએ જોર પકડ્યું હતું. ખુદ આમિર ખાને ગૌરી સાથે પોતાના સંબંધોની કબૂલાત કરી હતી અને હવે બંને ઓફિશિયલી લગ્નગ્રંથિથી જોડાઈ ગયા છે.

Aamir Khan Third Wedding: રાજકીય અને રમત જગતના ખાસ મહેમાનોની હાજરી

આમિર ખાનના આ સાદગીપૂર્ણ લગ્ન સમારોહમાં બોલિવૂડ ઇન્ડસ્ટ્રીમાંથી બહુ ઓછા લોકો સામેલ થયા હતા. પરંતુ આ ખાસ પ્રસંગે તેમનો આખો પરિવાર અને નજીકના સંબંધીઓ હાજર રહ્યા હતા. તેમની પહેલી પત્નીની દીકરી આયરા ખાન પોતાના પતિ નૂપુર શિખરે સાથે પહોંચી હતી. જ્યારે દીકરો જુનૈદ ખાન પણ પિતાના લગ્નનો સાક્ષી બન્યો હતો. આ સિવાય રમત જગતમાંથી ક્રિકેટર ઈરફાન પઠાન અને રાજનીતિમાંથી મનસે (MNS) પ્રમુખ રાજ ઠાકરે પણ હાજર રહ્યા હતા. ફિલ્મ 'લગાન' માં બાઘાનું પાત્ર ભજવનાર અભિનેતા અમીન હાજી પણ લગ્નમાં દેખાયા હતા.

જીવનમાં અગાઉ 2 લગ્ન કરી ચૂક્યા છે મિસ્ટર પરફેક્શનિસ્ટ

આમિર ખાને પોતાના જીવનમાં અગાઉ 2 લગ્ન કર્યા છે. તેમણે પ્રથમ લગ્ન વર્ષ 1986 માં રીના દત્તા સાથે કર્યા હતા, જે 16 વર્ષ ચાલ્યા બાદ 2002 માં તૂટી ગયા હતા. આ લગ્નથી તેમને દીકરો જુનૈદ અને દીકરી આયરા છે. ત્યારબાદ તેમણે બીજા લગ્ન વર્ષ 2005 માં કિરણ રાવ સાથે કર્યા હતા. આ લગ્ન 15 વર્ષ ચાલ્યા પછી બંને વર્ષ 2021 માં પરસ્પર સંમતિથી અલગ થઈ ગયા હતા. કિરણ રાવથી તેમને આઝાદ નામનો એક દીકરો છે. હવે વર્ષ 2026 માં આમિર ખાને ગૌરી સાથે ત્રીજી વાર ઘર વસાવ્યું છે. ખાસ વાત એ છે કે આમિરના પોતાની બંને ભૂતપૂર્વ પત્નીઓ સાથે આજે પણ ખૂબ સારા સંબંધો છે.

આ પણ વાંચો--- Rajpal Yadav Cheque Bounce Case: બોલિવૂડ એક્ટર રાજપાલ યાદવની મુશ્કેલીઓ વધી, નવો ચેક બાઉન્સ કેસ દાખલ