અક્ષય કુમારની પત્ની ટ્વિંકલ ખન્નાએ 50 વર્ષની ઉંમરે ગ્રેજ્યુએશન પૂરું કર્યું

અક્ષયબોલિવૂડ એક્ટર અક્ષય કુમારની પત્ની ટ્વિંકલ ખન્ના ઈન્ડસ્ટ્રીથી દૂર છે. ટ્વિંકલ છેલ્લા કેટલાક દિવસોથી વિદેશમાં અભ્યાસ કરી રહી છે. હવે 50 વર્ષની ઉંમરે તેણે પોતાનું ગ્રેજ્યુએશન પૂરું કર્યું છે. અક્ષયે પોતાની પત્નીના ગ્રેજ્યુએશન પછી એક ખાસ પોસ્ટ શેર કરીને તેના વખાણ કર્યા છે.

અક્ષય કુમારના ધર્મ પત્ની ટ્વિંકલ ખન્નાએ 50 વર્ષની ઉંમરે ગ્રેજ્યુએશન કર્યું છે. ટ્વિંકલને તેના પુત્ર આરવ સાથે વિદેશી યુનિવર્સિટીમાં પ્રવેશ મળ્યો. હવે તેનો અભ્યાસ પૂરો થઈ ગયો છે અને તેણે તેની ડિગ્રી પણ મેળવી લીધી છે. અક્ષય કુમારે એક ખાસ પોસ્ટ શેર કરીને તેના ચાહકોને આ વિશે માહિતી આપી હતી.

ટ્વિંકલ ખન્ના લેખક તરીકે લોકપ્રિય છે. કોરોના પછી તેણે પોતાનો અભ્યાસ પૂર્ણ કરવાનો નિર્ણય કર્યો. તેણે લંડન યુનિવર્સિટીમાં ફિક્શન રાઇટિંગ માસ્ટર પ્રોગ્રામમાં પ્રવેશ મેળવ્યો. હવે આ સંબંધમાં તેનું શિક્ષણ પૂરું થઈ ગયું છે. ફેન્સ ટ્વિંકલ ખન્નાને સોશિયલ મીડિયા દ્વારા શુભેચ્છા પાઠવી રહ્યા છે.

અક્ષય કુમારે પોતાની પત્ની માટે એક ખાસ પોસ્ટ શેર કરી 

અક્ષય કુમારે પોતાની પત્ની માટે એક ખાસ પોસ્ટ શેર કરતા લખ્યું કે, “બે વર્ષ પહેલા જ્યારે તમે મને અભ્યાસ વિશે કહ્યું ત્યારે હું ખરેખર આશ્ચર્યચકિત થઈ ગયો હતો. પરંતુ તમે તમારા અભ્યાસ માટે કરેલી મહેનત જોઈને મને લાગ્યું કે મેં કોઈ સુપરવુમન સાથે લગ્ન કરી લીધા છે.  ઘર, કારકિર્દી અને બાળકો પર ધ્યાન આપો છો. તમે વિદ્યાર્થી તરીકે પણ સારું પ્રદર્શન કર્યું છે. જો મેં પણ અભ્યાસ કર્યો હોત, તો હું તમારા માટે મારા ગર્વને વધુ સારા શબ્દોમાં વ્યક્ત કરી શક્યો હોત. ટીના… ખૂબ ખૂબ શુભેચ્છાઓ અને ખૂબ પ્રેમ”.

ટ્વિંકલ ખન્નાની પોસ્ટે ધ્યાન ખેંચ્યું 

ટ્વિંકલ ખન્નાએ પણ અક્ષય સાથેની એક ખાસ પોસ્ટ શેર કરી છે. ગ્રેજ્યુએશનનો વીડિયો શેર કરતી વખતે તેણે લખ્યું, “આખરે મેં ગ્રેજ્યુએશન કર્યું છે. આ દિવસ મારા માટે ખૂબ જ ખાસ છે. આ દિવસને ખાસ બનાવવામાં મારા પરિવારે મોટી ભૂમિકા ભજવી છે. આપણે હંમેશા આપણી જાતને કંઈક કરવા માટે પ્રેરિત કરવી જોઈએ. પછી ભલે તે સાચું હોય કે ખોટું."

આ પણ વાંચો -- ઐશ્વર્યા રાય બચ્ચન બની ભારતની સૌથી અમીર અભિનેત્રી, જાણો સૂચીમાં બીજી નંબરે કોણ