BollyWood New Movie : Alia Bhatt ની 'Alpha'નું ધાંસૂ ટીઝર: બોબી દેઓલ સાથે જમાવ્યું એક્શન

આલિયા ભટ્ટ અને બોબી દેઓલની દમદાર જોડી

યશરાજ ફિલ્મ્સના સ્પાય-યુનિવર્સમાં પહેલીવાર કોઈ અભિનેત્રી મુખ્ય ભૂમિકામાં જોવા મળશે. ફિલ્મ 'અલ્ફા'માં આલિયા ભટ્ટ એક સ્પાયના પાત્રમાં છે, જ્યારે બોબી દેઓલ તેના મેન્ટર એટલે કે ટ્રેનર તરીકે જોવા મળે છે. ટીઝરમાં બંને વચ્ચેનો પિતા-પુત્રી જેવો મજબૂત અને ભાવનાત્મક સંબંધ જોવા મળે છે, જે ફિલ્મને વધુ રસપ્રદ બનાવે છે.

34મી મંજિલ પર આલિયાનું ખતરનાક એક્શન

ટીઝર મુજબ, આલિયા ભટ્ટને બાળપણથી જ એક સીક્રેટ પ્રોગ્રામ માટે તૈયાર કરવામાં આવે છે. 18 વર્ષની ઉંમરે તેને એક મિશન સોંપવામાં આવે છે, જે તેને 34મી મંજિલ અને 341 નંબરના ફ્લેટમાં પૂરું કરવાનું હોય છે. ત્યાં આલિયાનો એકદમ અલગ જ હિંસક અને ખતરનાક એક્શન અંદાજ જોવા મળે છે, જે દર્શકોને ચોંકાવી દે તેવો છે.

ફિલ્મની સ્ટાર કાસ્ટ અને રિલીઝ ડેટ

'અલ્ફા'માં આલિયા અને બોબી ઉપરાંત શરવરી વાઘ અને અનિલ કપૂર જેવા દિગ્ગજ કલાકારો પણ મહત્વની ભૂમિકામાં જોવા મળશે. ફિલ્મનું નિર્દેશન શિવ રવૈલ કરી રહ્યા છે. ચાહકો આ ફિલ્મની આતુરતાથી રાહ જોઈ રહ્યા છે અને આ ફિલ્મ આગામી 3 જુલાઈએ દેશભરના સિનેમાઘરોમાં રિલીઝ થવા માટે તૈયાર છે.

આ પણ વાંચો : Bollywood News : સલમાન ખાનના પરિવાર પર તૂટ્યો દુઃખનો પહાડ, નજીકના મિત્રના નિધનથી શોકનો માહોલ