Battle of Galwan: બોલિવૂડ સુપરસ્ટાર સલમાન ખાન ટૂંક સમયમાં ફિલ્મ "બેટલ ઓફ ગલવાન" માં જોવા મળશે. અપૂર્વ લાખિયા દ્વારા દિગ્દર્શિત, આ ફિલ્મ મૂળ 17 એપ્રિલના રોજ રિલીઝ થવાની વાત છે. સલમાનના ચાહકો મોટા પડદા પર તેના પાછા ફરવાની આતુરતાથી રાહ જોઈ રહ્યા છે, ત્યારે એક નવા અહેવાલમાં દાવો કરવામાં આવ્યો છે કે ફિલ્મની રિલીઝ મુલતવી રાખવામાં આવી શકે છે.
![Battle of Galwan 01_GUJARAT_FIRST]()
Battle of Galwan: શું રિલીઝ તારીખ બદલાશે?
એક અહેવાલ મુજબ, સલમાન ખાન અને ફિલ્મની ટીમ બંને ફિલ્મની રિલીઝ મુલતવી રાખવાનું વિચારી રહ્યા છે. સૂત્રએ સમજાવ્યું, "'બેટલ ઓફ ગલવાન'નું શૂટિંગ હજુ પૂર્ણ થયું નથી, અને ફરીથી શૂટિંગમાં અપેક્ષા કરતાં વધુ સમય લાગી રહ્યો છે. એક અઠવાડિયાનું શૂટિંગ શેડ્યૂલ 9 ફેબ્રુઆરીએ મુંબઈની ગોલ્ડન ટોબેકો ફેક્ટરીમાં શરૂ થશે. આ પછી, થોડા દિવસોનું શૂટિંગ બાકી રહેશે. અને ફિલ્મ ફેબ્રુઆરીના અંત સુધીમાં પૂર્ણ થશે."
આ પણ વાંચો---O Romeo: ‘ઓ રોમિયો’ને મોટી રાહત, ફિલ્મની રિલીઝને રોકવાની મુંબઈ કોર્ટે ફગાવી અરજી
સૂત્રએ જણાવ્યું કે, આ પછી, દિગ્દર્શક અપૂર્વ લાખિયા ફરીથી શૂટ કરેલા ભાગોનું સંપાદન શરૂ કરશે. વધુમાં, નિયમો અનુસાર ફિલ્મને સંરક્ષણ મંત્રાલય સમક્ષ રજૂ કરવાની જરૂર છે. અને આ પ્રક્રિયામાં સમય લાગી શકે છે. આ બે પરિબળોને કારણે, નિર્માતાઓને લાગે છે કે 17 એપ્રિલની સમયમર્યાદા પૂરી કરવી મુશ્કેલ બનશે.
![Battle of Galwan 02_GUJARAT_FIRST]()
સલમાન ખાન આ ફિલ્મને લઈને ખૂબ જ ગંભીર છે. એક સૂત્રના જણાવ્યા મુજબ, સલમાન માને છે કે, આવી ખાસ અને દેશભક્તિની ફિલ્મ ઉતાવળમાં ન બનાવવી જોઈએ. તેમણે ટીમને સ્પષ્ટપણે કહ્યું છે કે તેઓ પોતાનો સમય લે અને ફિલ્મને સંપૂર્ણ રીતે વિકસિત કરે, જેથી અંતિમ ફિલ્મ શક્તિશાળી, પ્રભાવશાળી અને સિનેમેટિક બને.
જોકે, રિપોર્ટમાં એમ પણ કહેવામાં આવ્યું છે કે, સલમાન ખાન અને અપૂર્વ લાખિયાએ હજુ સુધી અંતિમ નિર્ણય લીધો નથી. અને થોડા દિવસોમાં પરિસ્થિતિ સ્પષ્ટ થઈ જશે. સૂત્રએ એમ પણ ઉમેર્યું કે, સંજોગો ગમે તે હોય, પણ ફિલ્મ તેની નિર્ધારિત તારીખ એટલે કે, 17 એપ્રિલે પણ રિલીઝ થઈ શકે છે, પરંતુ આ વિશેય હાલ કઈ પણ કહેવું શક્ય નથી.
"બેટલ ઓફ ગલવાન" નું ટીઝર ગયા વર્ષે સલમાન ખાનના જન્મદિવસ પર રિલીઝ થયું હતું. ચાહકોને આ ટીઝર ખૂબ ગમ્યું હતું, પરંતુ કેટલાક લોકોએ સલમાન ખાનને ટ્રોલ કરતા કહ્યું હતું કે યુદ્ધ જેવા દ્રશ્યોમાં તેના હાવભાવ થોડા રોમેન્ટિક લાગે છે.
![Battle of Galwan 03_GUJARAT_FIRST]()
આ ફિલ્મ એક ગંભીર યુદ્ધ નાટક હોવાનું કહેવાય છે. જે 2020 માં લદ્દાખમાં વાસ્તવિક નિયંત્રણ રેખા (LAC) પર ફાટી નીકળેલા તણાવ અને શહીદ થયેલા 20 ભારતીય સૈનિકોને દર્શાવે છે. સલમાન ખાન ઉપરાંત, આ ફિલ્મમાં ચિત્રાંગદા સિંહ, ઝૈન શો, અંકુર ભાટિયા, અભિલાષ ચૌધરી, વિપિન ભારદ્વાજ અને હીરા સોહલ પણ મુખ્ય ભૂમિકામાં છે.
આ પણ વાંચો--- Titanic Recreate : Rajesh Khanna અને Aishwarya Rai ની AI જમાવટ
