Bharat Kapoor Passes Away : દિગ્ગજ પીઢ અભિનેતા ભરત કપૂરનું 80 વર્ષની વયે નિધન
- મુંબઈની સાયન હોસ્પિટલમાં ભરત કપૂરનું થયું અવસાન (Bharat Kapoor Passes Away)
- અભિનેતા અવતાર ગિલે મીડિયા સમક્ષ નિધનની પુષ્ટિ કરી
- પરિવાર અને નજીકના મિત્રોની હાજરીમાં મુંબઈમાં કરાયા અંતિમ સંસ્કાર
ભારતીય ફિલ્મ ઉદ્યોગ (Bollywood) માટે છેલ્લા 15 દિવસ અત્યંત કપરા સાબિત થયા છે. પ્રખ્યાત ગાયિકા આશા ભોંસલેના નિધનના શોકમાંથી હજુ તો ઉદ્યોગ બહાર નથી આવ્યો ત્યાં વધુ એક પીઢ અભિનેતા ભરત કપૂર (Bharat Kapoor) એ દુનિયાને અલવિદા કહી દીધું છે. 80 વર્ષીય અભિનેતાએ મુંબઈની સાયન હોસ્પિટલમાં (Sion Hospital) અંતિમ શ્વાસ લીધા હતા.
Bharat Kapoor Passes Away : હોસ્પિટલમાં એડમિટ હતા
અભિનેતા અવતાર ગિલે (Avtar Gill) આ દુઃખદ સમાચારની પુષ્ટિ કરી છે. તેમણે જણાવ્યું હતું કે ભરત કપૂર છેલ્લા ત્રણ દિવસથી બીમાર હતા અને હોસ્પિટલમાં સારવાર હેઠળ હતા. ડોક્ટરોના જણાવ્યા મુજબ, બહુવિધ અંગોની નિષ્ફળતા (Multiple Organ Failure) ને કારણે તેમનું અવસાન થયું હતું. બપોરે 3 વાગ્યે તેમણે અંતિમ શ્વાસ લીધા હતા અને સાંજે 6:30 વાગ્યે તેમના અંતિમ સંસ્કાર કરવામાં આવ્યા હતા.
STORY | Veteran actor Bharat Kapoor dies at 80
Veteran actor Bharat Kapoor, best known for playing supporting roles in films like “Hindustan Ki Kasam”, “Sone Pe Suhaaga”, “Balidaan”, passed away on Monday afternoon due to cardiac arrest, his actor friend Avatar Gill said.
READ:… pic.twitter.com/tGDWfnZNzp
— Press Trust of India (@PTI_News) April 27, 2026
અત્યંત ગુપ્ત રીતે કરાયા અંતિમ સંસ્કાર
ભરત કપૂરના અંતિમ સંસ્કાર અત્યંત ગુપ્ત રીતે કરવામાં આવ્યા હતા. અવતાર ગિલના જણાવ્યા અનુસાર, પરિવાર અને માત્ર નજીકના મિત્રોની હાજરીમાં વિધિ સંપન્ન કરવામાં આવી હતી. આ કારણે ઉદ્યોગના ઘણા લોકોને આ ઘટનાની જાણ મોડેથી થઈ હતી. તેમની વિદાયથી હિન્દી સિનેમામાં એક મોટો શૂન્યાવકાશ (Vacuum) સર્જાયો છે.
અશોક પંડિતે દુ: ખ વ્યકત કર્યું
અભિનેતા ભરત કપૂરના નિધનના સમાચાર ફેલાતા જ સોશિયલ મીડિયા પર લોકો પ્રતિક્રિયા આપી રહ્યા છે. ફિલ્મ નિર્માતા અશોક પંડિતે પણ આ અંગે દુઃખ વ્યક્ત કર્યું હતું. તેમણે અભિનેતાનો ફોટો શેર કરીને તેમને શ્રદ્ધાંજલિ અર્પી હતી. ભરત કપૂરની કારકિર્દીની વાત કરીએ તો, તેઓ ઉદ્યોગમાં એક જાણીતું નામ હતા. તેમણે અસંખ્ય ફિલ્મોમાં અભિનય કર્યો હતો અને તેમની ફિલ્મી સફર ત્રણ દાયકાથી વધુ સમય સુધી ચાલી હતી. તેઓ ખાસ કરીને 1970, 1980 અને 1990ના દાયકા દરમિયાન પડદા પર ખૂબ જ સક્રિય હતા. તેમણે પોતાની સહાયક ભૂમિકાઓ, વિલન અને વકીલના પાત્રો દ્વારા પ્રેક્ષકોના દિલ જીતી લીધા હતા અને એક મજબૂત ઓળખ સ્થાપિત કરી હતી.
ફિલ્મ કારકિર્દી
ભરત કપૂરની શ્રેષ્ઠ ફિલ્મો વિશે વાત કરીએ તો, તેમણે 'નૂરી' (1979), 'રામ બલરામ' (1980), 'લવ સ્ટોરી' (1981), 'બજાર' (1982), 'ગુલામી' (1985), 'આખરી રાસ્તા' (1986), 'સત્યમેવ જયતે' (1987), 'સ્વર્ગ' (1990), 'ખુદા ગવાહ' (1992) અને 'રંગ' (1993) જેવી ફિલ્મોમાં ઉત્કૃષ્ટ કાર્ય કર્યું હતું. તેમણે 'બરસાત' (1995), 'સાજન ચલે સસુરાલ' (1996) અને બાદમાં 'મીનાક્ષી: એ ટેલ ઓફ થ્રી સિટીઝ' (2004) જેવી ફિલ્મોમાં પણ અભિનય કર્યો હતો, જે હિન્દી સિનેમામાં તેમના લાંબા ગાળાના પ્રદાનને પ્રતિબિંબિત કરે છે.
15 દિવસમાં બે મોટી હસ્તીઓની વિદાય
ઉલ્લેખનીય છે કે, ગત 12 એપ્રિલ, 2026 ના રોજ સુપ્રસિદ્ધ ગાયિકા આશા ભોંસલેનું (Asha Bhosle) પણ 92 વર્ષની વયે નિધન થયું હતું. આશા તાઈના અવસાનના માત્ર બે જ અઠવાડિયામાં ભરત કપૂરનું જવું એ ફિલ્મ જગત માટે અસહ્ય ખોટ છે. બંને કલાકારોએ દાયકાઓ સુધી પ્રેક્ષકોના દિલ પર રાજ કર્યું છે.
આ પણ વાંચો: Aamir Khan Emotional : જુનૈદની ફિલ્મ જોઈ પિતા આમિરની આંખો ભીની, સાઈ પલ્લવી માટે કહી આ મોટી વાત!