Malaika Arora ના જીવનમાં રોમાન્સની વાપસી, 'મિસ્ટ્રી મેન' સાથે દેખાઇ !

Malaika Arora, સામાન્ય ચાહક નથી

મલાઈકા ફરી એકવાર તેના કથિત બોયફ્રેન્ડને લઈને ચર્ચામાં છે. એક ચુપકેથી લીધેલા ફોટામાં, તે ઇટાલીના ટ્રેવી ફાઉન્ટેનમાં (Trevi Fountain - Italy) એક પુરુષ સાથે જોવા મળે છે, અને ફોટો પરથી સ્પષ્ટ થાય છે કે, આ માણસ તેનો સામાન્ય ચાહક નથી. યુઝર્સ મલાઈકાના નવા કથિત પાર્ટનર સાથેનો ફોટો સોશિયલ મીડિયા પર શેર કરી રહ્યા છે, અને પોતાના મંતવ્યો આપી રહ્યા છે. કેટલાક યુઝર્સે દાવો કર્યો હતો કે, મલાઈક સાથે દેખાયેલી વ્યક્તિ 33 વર્ષીય ડાયમંડ મર્ચન્ટ હર્ષ મહેતા (Diamond Merchant - Harsh Mehta) છે.

આ પણ વાંચો -------- Actor Govinda ના કંગાળ થવાની અટકળો વચ્ચે ચોંકાવનારો ઘટસ્ફોટ !

Malaika Arora, પીઆર સ્ટંટ હોઈ શકે

રેડિટ યુઝર્સે ઇટાલીના રોમમાં ટ્રેવી ફાઉન્ટેન પાસે ઉભેલી મલાઈકા અરોરાનો ફોટો શેર કર્યો છે, જેમાં એક પુરુષ સેલ્ફી લઈ રહ્યો છે. યુઝર્સ એવું પણ સૂચવી રહ્યા છે કે, આ ફોટો પીઆર સ્ટંટ હોઈ શકે છે. જોકે, મોટાભાગના લોકોએ ફોટોમાં રહેલા યુવાનને મલાઈકા અરોરાનો નવો બોયફ્રેન્ડ માની લીધો છે. બીજી તરફ અભિનેત્રીએ હજુ સુધી આ દાવા પર કોઈ ટિપ્પણી કરી નથી. તેથી, વાયરલ ફોટામાં કરવામાં આવેલા દાવાઓની પુષ્ટિ કોઇ કરી શકતું નથી.

ખૂબ હસીએ અને મજાક કરીએ છીએ

મલાઈકા અરોરાએ આ વર્ષની શરૂઆતમાં ધ નમ્રતા ઝકારિયા શોમાં તેની સાથે જોડાયેલા મિસ્ત્રી મેન વિશે વાત કરી હતી. અભિનેત્રીએ સમજાવ્યું હતું કે, લોકો ઘણીવાર તેના વિશે વાત કરવાનું પસંદ કરે છે. જ્યારે તમે કોઈ મિત્ર, પરિણીત મિત્ર અથવા મેનેજર સાથે બહાર જોવા મળો છો, ત્યારે તરત જ તેમની સાથે નામ જોડાઈ જાય છે. અમે તેના પર ખૂબ હસીએ છીએ, અને મજાક કરીએ છીએ. આવા દાવાઓ પછી, મારી માતા ઘણીવાર મને ફોન કરે છે, અને પૂછે છે કે, આ કોણ છે, અને કોના વિશે વાત થઈ રહી છે.

આ પણ વાંચો ------- Imran Khan Love Jihad : અભિનેત્રીએ સોશિયલ મીડિયા પર મૌન તોડ્યું !