Hera Pheri 3 ફિલ્મની આતુરતાથી વાટ જોતા ચાહકો માટે આઘાતનજક સમાચાર
- Hera Pheri 3 ને લઇને મોટી અપડેટ સામે આવી છે
- અક્ષય કુમારે મીડિયા સાથેની વાતમાં ખુલાસા કર્યા
- કાનૂની મુશ્કેલીઓને કારણે, તે હવે પ્રોજેક્ટનો ભાગ નથી - રોહિત શંકર
Hera Pheri 3 : દિગ્દર્શક પ્રિયદર્શનની 2000 માં આવેલી ફિલ્મ 'હેરા ફેરી' (Priyadarahan Film - Hera Pheri) હજુ પણ દર્શકોમાં પ્રિય છે. આ કોમેડી ફિલ્મે આખી પેઢીને હાસ્યથી ભરી દીધી છે. તેથી જ જ્યારે ફ્રેન્ચાઇઝની (Hera Pheri Film Frenchise) બીજી ફિલ્મની જાહેરાત કરવામાં આવી ત્યારે બધા ઉત્સાહિત હતા. 'હેરા ફેરી 3' ની જાહેરાત નિર્માતાઓએ ફિલ્મના મૂળ કલાકારો અક્ષય કુમાર (Akshay Kumar), સુનીલ શેટ્ટી (Sunil Shetty) અને પરેશ રાવલ (Paresh Rawal) સાથે કરી હતી. આ જાહેરાતથી બધા ખૂબ જ ખુશ હતા, અને સાથે કામ કરવા માટે ઉત્સુક હતા. જો કે, હવે ફિલ્મનું બનવું ખૂબ જ મુશ્કેલ લાગે છે.
Hera Pheri 3, વાત જાણીને ચોંકી ગયા
ઘણા સમયથી, "હેરા ફેરી 3" ને મુલતવી રાખવા અને કલાકારો અને દિગ્દર્શક વચ્ચે મતભેદોના અહેવાલો આવી રહ્યા છે. આ પ્રોજેક્ટને લગતી કાનૂની સમસ્યાઓ પણ ચાલી રહી છે. દરમિયાન, અક્ષય કુમારે પુષ્ટિ આપી છે કે, કાનૂની ગૂંચવણોને કારણે "હેરા ફેરી 3" બનાવવામાં આવશે નહીં. "ભૂત બાંગ્લા" (Bhoot Bangla Film) ના અભિનેતાએ કહ્યું કે, તે આ વાત સાંભળીને ચોંકી ગયા છે.
આ પણ વાંચો ------------- Ramayana Film માં રામજીના પાત્ર માટે રણબીરની પસંદગીની વાહવાહી !
Hera Pheri 3, કેમેરા સામે વાત નહીં થઇ શકે
મીડિયા વાત કરતાં અક્ષય કુમારે કહ્યું કે, "હેરા ફેરી 3 હમણાં નથી બની રહી... મને પોતે પણ આઘાત લાગ્યો. કોઈ વાંધો નથી, બધું બરાબર થાય તે માટે મારે કેટલાક મંત્રોનો પાઠ કરવો પડશે. હજુ એક વર્ષ પણ બાકી નથી. તેમાં ઘણી સમસ્યાઓ છે, એવું નથી કે અમે ત્રણેય (કલાકારો) સાથે નથી." તેમણે વધુમાં ઉમેર્યું કે, "વેલકમ ટુ ધ જંગલમાં અમે ત્રણેય સાથે છીએ. કેટલીક એવી બાબતો બને છે, જેના વિશે હું કેમેરા સામે વાત કરી શકતો નથી. ઘણી બધી બાબતો, કરારો છે, જે પ્રોજેક્ટને પાછળ રાખે છે."
હું કદાચ તેનો ભાગ બનીશ
હાલમાં, "હેરા ફેરી 3" કાનૂની મુદ્દાઓને કારણે અટકી પડી છે. અગાઉ, લેખક રોહન શંકરે (Writer - Rohan Shankar) મીડિયા સાથેની એક મુલાકાતમાં ખુલાસો કર્યો હતો કે, તેમણે ટીઝર લખ્યું છે, અને ફિલ્મ પર કામ કરવાનું હતું. જો કે, કાનૂની મુશ્કેલીઓને કારણે, તે હવે પ્રોજેક્ટનો ભાગ નથી. તેમણે કહ્યું કે, "હું વાતચીત કરી રહ્યો હતો, અને તે બનવાનું હતું, પરંતુ કાનૂની સમસ્યાઓને કારણે તે બન્યું નહીં. આશા છે કે, જો હેરા ફેરી 3 બને, તો હું કદાચ તેનો ભાગ બનીશ."
આ પણ વાંચો ------------- Apoorva Mukhija એ કાંડામાંથી નાડાછડી કાપતા વિવાદ, લોકોએ 'હિંદુ વિરોધી' ગણાવી