Ikkis-The Final Trailer : યુદ્ધ પર આધારિત ફિલ્મનું ધમાકેદાર ટ્રેલર રૂંવાડા ઊભા કરી દેશે!
તાજેતરમાં બોલીવૂડના પીઢ અભિનેતા ધર્મેન્દ્રનું નિધન થયું છે. ધર્મેન્દ્રની આખરી ફિલ્મ એક્કિસનું ફાઇનલ ટ્રેલર આજે લોન્ચ કરવામાં આવ્યું છે. આ ફિલ્મ માત્ર 21 વર્ષની ઉંમરે વિરતાનું પ્રદર્શ કરીને પરમ વીર ચક્ર મેળવનાર સેકન્ટ લેફ્ટન્ટ અરૂણ ખેતરપાલના જીવન પર આધારિત છે. આ ફિલ્મને 25, ડિસે.ના રોજ લોન્ચ કરવાની હતી. પરંતું હવે તેની રિલીઝને આવતા વર્ષ પર ઠેલવવામાં આવી છે.
Advertisement
- ફિલ્મ સૌથી નાની ઉંમરે પરમ વીર ચક્ર મેળવાર સૈનિક પર આધારિત
- ફિલ્મમાં પીઢ અભિનેતા ધર્મેન્દ્ર આખરી વખત જોવા મળશે
- અગાઉ ફિલ્મ ક્રિસમસ પર રિલીઝ થવાની હતી, જો કે હવે તારીખ બદલાઇ છે
Ikkis-The Final Trailer : યુદ્ધ પર આધારિત "એક્કિસ" ના નિર્માતાઓએ શુક્રવારે તેનું દમદાર અંતિમ ટ્રેલર રિલીઝ કર્યું છે. ટ્રેલર 21 વર્ષના સૈનિકના પોતાના દેશ પ્રત્યેના જુસ્સા અને ઉત્સાહને દર્શાવે છે. અમિતાભ બચ્ચનના પૌત્ર, અગસ્ત્ય નંદા, ફિલ્મમાં આ સૈનિકની ભૂમિકામાં છે. આ સ્વર્ગીય પીઢ અભિનેતા ધર્મેન્દ્રની છેલ્લી ફિલ્મ છે. મેડોક ફિલ્મ્સે તેના સત્તાવાર ઇન્સ્ટાગ્રામ એકાઉન્ટ પર ટ્રેલર શેર કર્યું છે. ટ્રેલર વિડિઓ શેર કરતા તેઓએ લખ્યું, "છેલ્લું ટ્રેલર આ રહ્યું. નવા વર્ષે, તમારી જાતને સાહસની ભેટ આપો. પરમ વીર ચક્ર મેળવનારા સૌથી નાના સિપાહી, સેકન્ડ લેફ્ટનન્ટ અરુણ ખેતરપાલની સાચી કહાવી જુઓ, તેઓ ફક્ત 21 વર્ષની ઉંમરે અમર બની ગયા."