પ્રીતમની રહસ્યમયી પોસ્ટ અને નિવૃત્તિના સંકેતો

પોતાના જન્મદિવસના ખાસ પ્રસંગે પ્રીતમે કેટલાક બ્લેક એન્ડ વ્હાઇટ (Black and White) ફોટા શેર કર્યા છે. આ પોસ્ટમાં તેમણે ભાવુક થઈને લખ્યું છે કે, "તમારી શુભેચ્છાઓ માટે મારા હૃદયના તળિયેથી આભાર. આજે મેં મારી જાતને એક ભેટ આપવાનું નક્કી કર્યું છે: થોડા વર્ષો માટે જીવન અલગ રીતે જીવવું અને જે કાર્યો પાછળ રહી ગયા છે તેને પૂર્ણ કરવા."

તેમણે આગળ લખ્યું કે, "હવે એક નવી સફર શરૂ કરવાનો સમય છે. હું હંમેશા ઓછા પ્રવાસ કરેલા રસ્તાઓ (Road less traveled) તરફ આકર્ષાયો છું." તેમના આ શબ્દોએ તરત જ લોકોનું ધ્યાન ખેંચ્યું છે. નોંધનીય છે કે, આ વર્ષની શરૂઆતમાં જાન્યુઆરીમાં પ્રખ્યાત ગાયક અરિજિત સિંહે (Arijit Singh) પણ સંગીતથી વિરામ લેવાની આવી જ એક પોસ્ટ શેર કરી હતી. આથી, પ્રીતમ માટે પણ ચાહકો એવું જ માની રહ્યા છે કે તેઓ પણ થોડા સમય માટે બોલિવૂડથી દૂર થઈ શકે છે. જોકે, પ્રીતમે સ્પષ્ટપણે 'નિવૃત્તિ' શબ્દનો ઉપયોગ કર્યો નથી કે ન તો સંગીત છોડવાની કોઈ સત્તાવાર પુષ્ટિ (Confirmation) કરી છે.

 

View this post on Instagram

 

A post shared by Pritam (@ipritamofficial)

પ્રીતમનું અદભૂત યોગદાન અને આગામી પ્રોજેક્ટ્સ (Bollywood News)

પ્રીતમ બોલિવૂડના એવા સંગીતકાર છે જેમની ધૂન વિના ફિલ્મો અધૂરી લાગે છે. રોમેન્ટિક ગીતો (Romantic Songs) થી લઈને ડાન્સિંગ નંબર સુધી, તેમના દરેક ગીત સંગીત પ્લેટફોર્મ પર પ્રભુત્વ ધરાવે છે. ગાયક અરિજિત સિંહ સાથેની તેમની જોડીએ અસંખ્ય ચાર્ટબસ્ટર ગીતો આપ્યા છે, જેને લોકોએ દાયકાઓ સુધી પ્રેમ આપ્યો છે. તેમની આ સંભવિત 'બ્રેક' ની વાતથી ચાહકો ચોક્કસપણે ચિંતિત છે, પરંતુ હાલમાં તેમના ચાહકો માટે એક સારા સમાચાર પણ છે. પ્રીતમનું સંગીત ટૂંક સમયમાં જ ફિલ્મ 'કોકટેલ 2' (Cocktail 2) માં સાંભળવા મળશે. શાહિદ કપૂર, કૃતિ સેનન અને રશ્મિકા મંદાના સ્ટારર આ ફિલ્મ હાલ ખૂબ ચર્ચામાં છે. હોમી અડાજાનિયા (Homi Adajania) દ્વારા નિર્દેશિત આ ફિલ્મ 19 જૂને સિનેમાઘરોમાં રિલીઝ થવા જઈ રહી છે. સેન્ટ્રલ બોર્ડ ઓફ ફિલ્મ સર્ટિફિકેશન (CBFC) એ આ ફિલ્મને 'A' સર્ટિફિકેટ (A Certificate) આપ્યું છે અને તેનો રન ટાઇમ લગભગ અઢી કલાક (2.5 hours) નો છે.

આ પણ વાંચો : Dharmendra Rakhee romantic song : ધર્મેન્દ્ર-રાખીના રોમેન્ટિક ગીતના શૂટિંગ દરમિયાન ઘટી હતી એવી ઘટના કે સૌના જીવ અધ્ધર થઈ ગયા!