‘ઝિલમિલ સિતારોં કા આંગન હોગા’ ગીત પાછળની રસપ્રદ ઘટના

ફિલ્મ જીવન મૃત્યુ (Jeevan Mrityu)નું લોકપ્રિય રોમેન્ટિક ગીત ‘ઝિલમિલ સિતારોં કા આંગન હોગા’ (Jhilmil Sitaron Ka Aangan Hoga) આજે પણ સંગીતપ્રેમીઓમાં ખૂબ જ લોકપ્રિય છે. આ ગીતના શબ્દો જાણીતા ગીતકાર આનંદ બક્ષી (Anand Bakshi) દ્વારા લખવામાં આવ્યા હતા, જ્યારે તેનું સંગીત પ્રખ્યાત સંગીતકાર જોડી લક્ષ્મીકાંત-પ્યારેલાલ (Laxmikant-Pyarelal) એ આપ્યું હતું. ગીતને સુરીલો અવાજ મહાન ગાયક મોહમ્મદ રફી (Mohammed Rafi) અને લતા મંગેશકર (Lata Mangeshkar) એ આપ્યો હતો. આ ગીતના ભાવસભર શબ્દો અને મધુર સંગીતને કારણે તે આજે પણ રોમેન્ટિક ગીતોની યાદીમાં વિશેષ સ્થાન ધરાવે છે.

ઝીલમાં ચાલી રહ્યું હતું ગીતનું શૂટિંગ

આ સુંદર ગીતનું શૂટિંગ એક ઝીલ (Lake)માં કરવામાં આવ્યું હતું. શૂટિંગ દરમિયાન ધર્મેન્દ્ર અને રાખી એક નાવ (Boat)માં બેઠા રોમેન્ટિક દ્રશ્યો આપી રહ્યા હતા. બંને કલાકારો પોતાના અભિનયમાં એટલા મગ્ન હતા કે આસપાસ શું ચાલી રહ્યું છે તેની તેમને ખાસ ખબર નહોતી.

અચાનક મગરમચ્છ દેખાતા ફેલાયો ભય

શૂટિંગ દરમિયાન ફિલ્મ યુનિટ (Film Unit)ના કેટલાક સભ્યોને નાવની નજીક પાણીમાં હલચલ જોવા મળી. શરૂઆતમાં કોઈએ ખાસ ધ્યાન આપ્યું નહીં, પરંતુ થોડા સમય બાદ જાણવા મળ્યું કે નાવની નજીક એક મગરમચ્છ (Crocodile) આવી ગયો હતો. આ દૃશ્ય જોઈને સેટ પર હાજર લોકોમાં ભયનો માહોલ ફેલાઈ ગયો. ધર્મેન્દ્ર અને રાખીની સુરક્ષાને લઈને દરેક વ્યક્તિ ચિંતિત બની ગઈ. બંને કલાકારો પણ આ પરિસ્થિતિથી ગભરાઈ ગયા હતા.

ધર્મેન્દ્રએ રાખીને સુરક્ષિત જગ્યાએ ખસેડી

પરિસ્થિતિને સમજતા ધર્મેન્દ્રે તરત જ રાખીને નાવના એક ખૂણામાંથી બીજી તરફ સુરક્ષિત સ્થાન પર ખસેડી હતી. જોકે આ અણધારી ઘટના બાદ પણ બંને કલાકારોએ હિંમત ગુમાવી નહોતી. જોખમ હોવા છતાં તેમણે શૂટિંગ ચાલુ રાખ્યું અને આખું ગીત સફળતાપૂર્વક પૂર્ણ કર્યું. ધર્મેન્દ્રે આ ઘટનાનો ઉલ્લેખ લોકપ્રિય સંગીત રિયાલિટી શો સા રે ગા મા પા (Sa Re Ga Ma Pa) દરમિયાન પણ કર્યો હતો.

ધર્મેન્દ્ર અને રાખીની યાદગાર ફિલ્મો

ધર્મેન્દ્ર અને રાખીએ સાથે મળીને જીવન મૃત્યુ (Jeevan Mrityu), બ્લેકમેલ (Blackmail) અને ક્ષત્રિય (Kshatriya) જેવી ફિલ્મોમાં કામ કર્યું હતું. ખાસ કરીને ‘જીવન મૃત્યુ’ ફિલ્મ દ્વારા રાખીએ બોલિવૂડમાં પોતાનું ડેબ્યૂ (Debut) કર્યું હતું. ‘બ્લેકમેલ’ ફિલ્મમાં બંનેની જોડી દર્શકોને ખૂબ પસંદ આવી હતી. આ ફિલ્મનું સુપરહિટ ગીત ‘પલ પલ દિલ કે પાસ’ (Pal Pal Dil Ke Paas) આજે પણ એવરગ્રીન (Evergreen) ગીત તરીકે ઓળખાય છે.

મોહમ્મદ રફીના અવાજે જીવંત બન્યા ધર્મેન્દ્રના અનેક ગીતો

ગાયક મોહમ્મદ રફીએ ધર્મેન્દ્ર માટે અનેક યાદગાર ગીતો ગાયા હતા. તેમાં ‘આજ મૌસમ બડા બેઈમાન હૈ’, ‘આપ કે હસીન રૂખ પે’, ‘છલકા યે જામ’, ‘ના જા કહિં અબ ના જા’, ‘સનમ અપની પલકોં પે’ અને ‘મેં જટ યમલા પાગલા દીવાના’ જેવા અનેક સુપરહિટ ગીતોનો સમાવેશ થાય છે.

આ પણ વાંચો : Bollywood News : સલમાન ખાનના પરિવાર પર તૂટ્યો દુઃખનો પહાડ, નજીકના મિત્રના નિધનથી શોકનો માહોલ