‘Dhurandhar 2’ એ 16 દિવસમાં 1500 કરોડનો આંકડો વટાવ્યો, ત્રીજા અઠવાડિયે પણ કમાણી અવિરત

Dhurandhar 2 Collection : ત્રીજા અઠવાડિયે પણ કમાણીની તેજ રફ્તાર

સેકનિલ્ક (Sacnilk) ના રિપોર્ટ અનુસાર, ‘ધુરંધર 2’ ની કમાણીમાં 16મા દિવસે પણ મોટો ઉછાળો જોવા મળ્યો હતો. ફિલ્મે માત્ર 16મા દિવસે 21.55 કરોડ રૂપિયાનો બિઝનેસ કર્યો છે. ખાસ વાત એ છે કે હિન્દી માર્કેટમાં આ ફિલ્મની ઓક્યુપન્સી (Occupancy) 27% રહી છે, જે ત્રીજા અઠવાડિયા માટે અત્યંત પ્રશંસનીય છે. કુલ 13,330 શો હોવા છતાં મોટાભાગના થિયેટરોમાં ‘હાઉસફુલ’ ના બોર્ડ જોવા મળી રહ્યા છે.

 

View this post on Instagram

 

A post shared by Ranveer Singh (@ranveersingh)

વર્લ્ડવાઈડ કલેક્શનના આંકડા

ફિલ્મની કમાણીના આંકડા જોઈએ તો, ભારતમાં ગ્રોસ કલેક્શન (Gross Collection) 1,148.58 કરોડ રૂપિયા પર પહોંચ્યું છે, જ્યારે નેટ કલેક્શન (Net Collection) 959.37 કરોડ રૂપિયા છે. જો વર્લ્ડવાઈડ કલેક્શનની વાત કરીએ તો આ આંકડો 1,523.58 કરોડ રૂપિયાને પાર કરી ગયો છે. રણવીર સિંહના અત્યાર સુધીના કરિયરની (Career) આ સૌથી સફળ અને હાઈએસ્ટ ગ્રોસિંગ ફિલ્મ બની ગઈ છે.

સ્ટારકાસ્ટ અને એક્ટિંગનો જાદુ

‘ધુરંધર: ધ રિવન્જ’ (Dhurandhar: The Revenge) ની સફળતા પાછળ તેની મજબૂત સ્ટારકાસ્ટ જવાબદાર છે. રણવીર સિંહની સાથે સંજય દત્ત (Sanjay Dutt), આર માધવન (R Madhavan), અર્જુન રામપાલ અને રાકેશ બેદી જેવા દિગ્ગજ કલાકારોએ જીવંત અભિનય કર્યો છે. આ ઉપરાંત, યામી ગૌતમ (Yami Gautam) ના કેમિયોએ (Cameo) પણ પ્રેક્ષકોમાં ઉત્તેજના વધારી છે. સોશિયલ મીડિયા પર ફેન્સ આ ફિલ્મને માસ્ટરપીસ ગણાવી રહ્યા છે અને વીકેન્ડમાં કમાણી હજુ વધવાની પૂરેપૂરી શક્યતા છે.

આ પણ વાંચો : Ravi Dubey: રામાયણના ‘લક્ષ્મણ’નો મોટો ખુલાસો, પત્ની સરગુણ મહેતાથી પણ છુપાવી હતી આ વાત!