Dhurandhar નું Box Office પર ધમાકેદાર પરફોર્મન્સ, રૂ. 500 કરોડના ક્લબમાં એન્ટ્રી
ધૂરંધર ફિલ્મની રિલીઝના 16 દિવસ બાદ પણ દર્શકોનો ખુબ પ્રેમ મળી રહ્યો છે. આજે ફિલ્મને અનેક દિગ્ગજોની ફિલ્મના રેકોર્ડને તોડીતા રૂ. 500 કરોડના ક્લબમાં એન્ટ્રી લીધી છે. સાથે જ સૌથી ઝડપથી રૂ. 500 કરોડના ક્લબમાં એન્ટ્રી લેનાર બીજી ફિલ્મ બની છે. આગામી સમયમાં આ કલેક્શનનો આંક વધી શકે છે, અન્ય રિલીઝ છતાં ધૂરંધરની લોકપ્રિયતા અકબંધ રહી છે.
Advertisement
- ધૂરંધર ફિલ્મને બોક્સ ઓફિસ પર મોટી સફળતા મળી
- 16 માં દિવસે ફિલ્મનું કલેક્શન રૂ. 500 કરોડને પાર કરી ગયું
- ધૂરંધર સૌથી ઝડપી રૂ. 500 કરોડના ક્લબમાં એન્ટ્રી લેનાર ફિલ્મ બની
- અગાઉ અનેક મોટા સ્ટારના બનાવેલા રેકોર્ડ તોડી નાંખ્યા
Dhurandhar Film Enter Into Rs. 500 Crore Club : આદિત્ય ધારની ફિલ્મ "ધુરંધર" એ રામ ગોપાલ વર્માથી લઈને અક્ષય કુમાર જેવા મોટા નામોના સુધી ચાહના મેળવી છે, અને દરરોજ કોઈને કોઈ મોટું નામ ફિલ્મ વિશે લાંબી પોસ્ટ લખીને પોતાનો રાજીપો વ્યક્ત કરી રહ્યા છે. સામાન્ય માણસો તો શરૂઆતથી જ આ ફિલ્મ પર પ્રેમ વરસાવી રહ્યા છે. જેના કારણે ધૂરંધર ફિલ્મે તેના 16 માં દિવસે 500 કરોડનો આંકડો પાર કરી લીધો છે. આજે, ફિલ્મે એક મોટો રેકોર્ડ બનાવ્યો છે, અને આ રેસમાં આગળ આવીને તેણે ઘણા મોટા નામોની ફિલ્મોના રેકોર્ડ તોડીને ભુક્કા કરી નાખ્યા છે.