Box Office પર ધૂરંધર-2 અને ટોક્સિક ફિલ્મ વચ્ચે ટકરાવ થવાનો હતો, જો કે, ફિલ્મ રિલીઝના બે સપ્તાહ પહેલા ટોક્સિકના નિર્માતાઓ દ્વારા સોશિયલ મીડિયા પોસ્ટ થકી મહત્વની જાણકારી શેર કરવામાં આવી છે. હવે ટોક્સિક ફિલ્મની રિલીઝને પાછળ ઠેલી દેવામાં આવી છે, જો કે, આ અંગેનું કારણ ધૂરંધર 2 ફિલ્મ પ્રત્યે એડવાન્સ બુકિંગમાં જોવા મળેલી લોકપ્રિયતા નહીં, પણ બીજુ કારણ જવાબદાર છે.
- Box Office પર ધૂરંધર-2 અને ટોક્સિક ફિલ્મ વચ્ચે ટકરાવ થવાનો હતો
- અચાનક ટોક્સિક ફિલ્મના નિર્માતાઓ દ્વારા તારીખ પાછી ઠેલાઇ
- સોશિયલ મીડિયા પોસ્ટ મુકીને વિગતવાર માહિતી આપવામાં આવી
Box Office : હોળીના અવસરે, ટોક્સિકના (Yash Film Toxic) નિર્માતાઓએ એક મોટી જાહેરાત કરી છે. એવું કહેવામાં આવી રહ્યું છે કે, ટોક્સિકની રિલીઝ (Toxic Release Date) તારીખમાં ફેરફાર કરવામાં આવ્યો છે. ફિલ્મ હવે 4 જૂન, 2026 ના રોજ સુનિશ્ચિત થયેલ છે. જો તમને લાગે છે કે, વિલંબ ધુરંધર 2 (Dhurandhar 2) સાથેના અથડામણને કારણે થયો છે, તો તે સાચું નથી. મધ્ય પૂર્વમાં ચાલી રહેલી પરિસ્થિતિને કારણે આ મહત્વપૂર્ણ નિર્ણય લેવામાં આવ્યો હતો. 4 માર્ચ, હોળીના દિવસે, નિર્માતાઓએ એક પોસ્ટમાં જાહેરાત કરી હતી કે, વર્તમાન પરિસ્થિતિને ધ્યાનમાં રાખીને, તેઓએ ફિલ્મની રિલીઝ મુલતવી રાખવાનો નિર્ણય લીધો છે.
આ પણ વાંચો ------ Rashmika Vijay Sangeet Photos : વિજય અને રશ્મિકાની સંગીત નાઈટની રોમેન્ટિક ક્ષણો જોઈ ફેન્સ ઘેલા થયા
Box Office, લક્ષ્યને અસર કરી શકે
નિર્માતાઓએ તેમની પોસ્ટમાં લખ્યું હતું કે, વર્તમાન પરિસ્થિતિમાં વ્યાપક પ્રેક્ષકો સુધી પહોંચવાના તેમના (ફિલ્મના) લક્ષ્યને અસર કરી શકે છે. આ નિર્ણય તેમના ભાગીદારો અને પ્રેક્ષકોને ધ્યાનમાં રાખીને લેવામાં આવ્યો છે. તમારા પ્રેમ, સમર્થન અને ધીરજ બદલ આભાર. પોસ્ટના અંતે, તેઓએ રિલીઝ તારીખ જાહેર કરી છે, નવી માહિતી એ છે કે, ફિલ્મ 4 જૂન, 2026 ના રોજ સુનિશ્ચિત થયેલ છે.
મુશ્કેલ પરંતુ જરૂરી નિર્ણય લીધો
પોસ્ટમાં વિગવાર જણાવ્યા અનુસાર, ટોક્સિક: અ ફેરી ટેલ ફોર ગ્રોન અપ્સ (Toxic : A Fairy Tale for Grown-Ups) એક એવી ફિલ્મ છે, જે અમે વૈશ્વિક પ્રેક્ષકોને ધ્યાનમાં રાખીને બનાવી છે. કન્નડ અને અંગ્રેજી ભાષામાં શૂટ કરાયેલી આ ફિલ્મ ભારત અને વિશ્વભરના પ્રેક્ષકો સાથે જોડાવાના વિશ્વાસ સાથે બનાવવામાં આવી હતી. વર્ષોની સખત મહેનત પછી, અમે 19 માર્ચે આ ફિલ્મ તમારી સાથે શેર કરવા માટે ઉત્સાહિત છીએ. જો કે, વર્તમાન અનિશ્ચિતતા, ખાસ કરીને મધ્ય પૂર્વની પરિસ્થિતિ, મહત્તમ પ્રેક્ષકો સુધી પહોંચવાના અમારા ઉદ્દેશ્યને અસર કરી રહી છે. અમારા ભાગીદારો અને પ્રેક્ષકોના શ્રેષ્ઠ હિતમાં, કાળજીપૂર્વક વિચારણા કર્યા પછી, અમે રિલીઝ મુલતવી રાખવાનો મુશ્કેલ પરંતુ જરૂરી નિર્ણય લીધો છે. અમે તમારા ધીરજ અને સમર્થન માટે ખૂબ આભારી છીએ અને તમારા સતત પ્રેમની રાહ જોઈ રહ્યા છીએ. ટોક્સિક: અ ફેરી ટેલ ફોર ગ્રોન અપ્સ (Toxic : A Fairy Tale for Grown-Ups) હવે 4 જૂન, 2026 ના રોજ વિશ્વભરના થિયેટરોમાં અંગ્રેજી અને ભારતીય ભાષાઓમાં રિલીઝ થશે.
આ પણ વાંચો ------- TV stars' Holi: ટીવી સ્ટાર્સનું હોળીનું રંગીન સેલિબ્રેશન, સોશિયલ મીડિયા પર છવાઈ તસવીરો
