Birthday: બોલીવૂડનો ‘સિકંદર’ અને ‘ભાઈજાન’ એટલે કે સલમાન ખાન (Salman Khan) આજે 60 વર્ષનો થઈ ગયો છે. સુપરસ્ટારે પોતાના ખાસ દિવસની ઉજવણી ખૂબ જ હળવાશથી કરી. 60 માં જન્મદિવસે સલમાન ખાને પનવેલ ફાર્મહાઉસ (Panvel Farmhouse) માં કેક કટિંગ કરી હતી. આ પાર્ટીમાં હાજર પાપારાઝી (Paparazzi) અને કેટલાક મીડિયાકર્મીઓએ (Media person) સલમાન ખાનને જન્મદિવસની શુભેચ્છાઓ પાઠવી હતી. નાનકડી પાર્ટીમાં સલમાન બ્લેક ટીશર્ટમાં જોવા મળ્યો હતો.
![Birthday SALMAN 01_GUJARAT_FIRST]()
Birthday: સલમાનનો લૂક અને બેટલ ઓફ ગલવાન
સિમ્પલ બ્લેક કલરના આઉટફિટ (Outfit) માં સજ્જ થયેલો સલમાન તેની આગામી ફિલ્મ બેટલ ઓફ ગલવાન (Battle of Galwan) નું પ્રમોશન કરતો હોય તેવું જણાઈ આવ્યું. સલમાન ખાનના 60મા જન્મદિવસની ઉજવણીમાં આખું શહેર જોડાયું. તેના સન્માનમાં બાંદ્રા-વરલી સી લિંકને (Bandra-Worli Sea Link) રોશનીથી શણગારવામાં આવ્યું હતું, અને બોલીવૂડના સૌથી સદાબહાર સ્ટાર્સમાંથી એક એવા સલમાનનું ભવ્ય સ્વાગત કરવામાં આવ્યું હતું.
![Birthday SALMAN 02_GUJARAT_FIRST]()
Birthday:સલમાન ખાનના જન્મદિવસની ઉજવણી
સલમાને હંમેશાની જેમ આ વખતે પણ તેણે ભવ્યતા કરતાં સાદગી પસંદ કરી. તેણે પોતાનું પનવેલ ફાર્મહાઉસને ફરી એકવાર ઉજવણી માટે પસંદ કર્યું હતું. મધ્યરાત્રિ નજીક આવતાં પરિવાર અને નજીકના મિત્રો ત્યાં પહોંચ્યા હતા.
ઉજવણીમાં પરિવાર પણ જોડાયો
સલમાનના માતા-પિતા, સલીમ ખાન અને સલમા ખાન વહેલા પહોંચી ગયા હતા. ત્યારબાદ બહેન અર્પિતા ખાન શર્મા તેના બાળકો આહિલ, આયત અને પતિ આયુષ શર્મા સાથે પહોંચી હતી. અરબાઝ ખાનનો પુત્ર અરહાન અને સોહેલ ખાનનો મોટો પુત્ર નિર્વાણ પણ હાજર હતા. અરબાઝ ખાન અને તેની પત્ની શૌરા ખાન તેમની નવજાત પુત્રી સિપારા સાથે પહોંચ્યો હતો.
ફિલ્મ સ્ટાર્સે ગ્લેમર ઉમેર્યું
ફિલ્મ જગતના મિત્રોએ વાતાવરણને ખાસ બનાવી દીધું હતું. રણદીપ હુડ્ડા તેની પત્ની લિન લૈશરામ, જેનેલિયા દેશમુખ તેના પુત્રો રિયાન અને રાહિલ સાથે પહોંચ્યા, જ્યારે એમ.એસ.ધોની અને સાક્ષી, તબ્બુ, કરિશ્મા કપૂર, રમેશ તૌરાની, મહેશ માંજરેકર અને સંગીતા બિજલાની જેવી હસ્તીઓ પણ સલમાનની બર્થડે પાર્ટીમાં જોવા મળી હતી.
આ પણ વાંચો----- હિટમેન રોહિત શર્મા કેમ રડી પડ્યો? જુઓ અંબાણી સ્કૂલના એન્યુઅલ ડેના વાયરલ વીડિયો
આ પણ વાંચો------Dahod Accident : ઈન્દોરથી અમદાવાદ જઈ રહેલી બસનો સર્જાયો અકસ્માત, 1નું કમકમાટી ભર્યું મોત, 17 ઈજાગ્રસ્ત
