Fauzi Release Date Update : શું પ્રભાસની 'ફૌજી' સમયસર રિલીઝ થશે? નિર્માતાઓએ સ્પષ્ટતા કરીને ચાહકોની ચિંતા કરી દૂર

'ફૌજી' નક્કી કરેલી તારીખે જ સિનેમાઘરોમાં આવશે

નિર્માતાઓના આ સ્પષ્ટતાથી પ્રભાસના લાખો ચાહકોમાં ખુશીની લહેર છવાઈ ગઈ છે, જેઓ આ ફિલ્મના આગમનની આતુરતાથી રાહ જોઈ રહ્યા છે. હનુમાન રાઘવપુડી દ્વારા નિર્દેશિત અને 'મૈત્રી મૂવી મેકર્સ'ના બેનર હેઠળ બની રહેલી આ ફિલ્મનું કદ અત્યંત વિશાળ છે. અંદાજે 700 કરોડ રૂપિયાના તોતિંગ બજેટમાં તૈયાર થઈ રહેલી આ ફિલ્મમાં સિનેમા જગતના અનેક દિગ્ગજ કલાકારો જોવા મળશે. આ ફિલ્મ દ્વારા ઈમાનવી તેલુગુ સિનેમામાં મુખ્ય અભિનેત્રી તરીકે ડેબ્યુ કરી રહી છે.

રૂ. 700 કરોડના બજેટવાળી ફિલ્મ

આ ઉપરાંત ફિલ્મમાં અનુપમ ખેર, મિથુન ચક્રવર્તી અને જયાપ્રદા જેવા અનુભવી કલાકારો પણ મહત્ત્વપૂર્ણ ભૂમિકાઓ ભજવી રહ્યા છે, જ્યારે સંગીત વિશાલ ચંદ્રશેખર દ્વારા આપવામાં આવી રહ્યું છે. નિર્માતાઓ દ્વારા અફવાઓનું ખંડન કર્યા બાદ હવે ચાહકોનો ઉત્સાહ વધુ બેવડાઈ ગયો છે.

આ પણ વાંચો : Headline 12 PM : વાંચો સવારના 7 થી બપોરના 12 વાગ્યા સુધીના મહત્વના સમાચાર એક કિલક પર