Film Ramayana: રણબીર કપૂરની રામાયણમાં મળી ગયો વિભીષણ, સાઉથનો આ સુપરસ્ટાર નિભાવશે રોલ!
- Film Ramayana: નિતેશ તિવારીની ફિલ્મ રામાયણ
- રામાયણમાં રાવણનો ભાઈ વિભીષણ મળી ગયો
- સાઉથનો સુપરસ્ટાર નિભાવશે વિભીષણનો રોલ
Film Ramayana: નિતેશ તિવારી (Nitesh Tiwari) દ્વારા દિગ્દર્શિત ફિલ્મ "રામાયણ" આ વર્ષની સૌથી બહુચર્ચિત ફિલ્મોમાંથી એક છે. જેમાં રણબીર કપૂર (Ranbir Kapoor), સાઈ પલ્લવી (Sai Pallavi), સની દેઓલ (સની દેઓલ), અમિતાભ બચ્ચન (Amitabh Bachchan) અને યશ (Yash) જેવા કલાકારો પાત્રો નિભાવી રહ્યા છે. આ તમામ અભિનેતાઓની યાદી જાહેર કરવામાં આવી છે. હવે, રાવણના ભાઈ વિભીષણની ભૂમિકા ભજવનાર અભિનેતાનું નામ જાહેર કરવામાં આવ્યું છે. ત્રણ વર્ષ પહેલાં બ્લોકબસ્ટર ફિલ્મ (Blockbuster movie) આપનાર આ અભિનેતા અન્ય કોઈ નહીં પણ સાઉથ (South) નો સુપર સ્ટાર વિજય સેતુપતિ (Vijay Sethupathi) છે.
આ પણ વાંચો--- Rajpal Yadav Surrenders : બોલિવૂડના અભિનેતાનું Tihar Jail માં સમર્પણ
Film Ramayana: વિભીષણ કોણ છે?
અહેવાલો અનુસાર, દક્ષિણ ભારતના પ્રખ્યાત અભિનેતા વિજય સેતુપતિ ફિલ્મમાં વિભીષણનું પાત્ર ભજવવા માટે નિર્માતાઓ સાથે વાતચીત કરી રહ્યા છે. આ સમાચાર દર્શકોમાં ભારે ઉત્તેજના જગાવી રહ્યા છે. "રામાયણ" દિગ્દર્શક નિતેશ તિવારીની એક મોટી અખિલ ભારતીય ફિલ્મ છે. જે બે ભાગમાં રિલીઝ થશે. રણબીર કપૂર ભગવાન રામ (Lord Rama) ની ભૂમિકા ભજવશે, જ્યારે કન્નડ સુપરસ્ટાર (Kannada superstar) યશ રાવણની ભૂમિકામાં જોવા મળશે. સાઈ પલ્લવી માતા સીતાની ભૂમિકા ભજવશે. સની દેઓલ હનુમાનની ભૂમિકા ભજવશે. ફિલ્મનું બજેટ લગભગ 4 હજાર કરોડ હોવાનું જાણવા મળે છે. જે તેને ભારતીય સિનેમામાં બનેલી સૌથી મોંઘી ફિલ્મ બનાવે છે.
Film Ramayana: વિજય સેતુપતિએ આપી છે 1 હજાર કરોડની ફિલ્મ
રામાયણમાં વિભીષણ રાવણનો નાનો ભાઈ છે, જે ન્યાયના માર્ગે ચાલીને ભગવાન રામને મદદ કરવા માટે પોતાના ભાઈનો ત્યાગ કરે છે. આ પાત્ર ઊંડાણ અને નૈતિકતાથી ભરેલું છે. વિજય સેતુપતિનો બહુમુખી અભિનય આ ભૂમિકા માટે યોગ્ય ગણવામાં આવે છે.. શાહરૂખ ખાનની "જવાન" માં તાજેતરમાં વિજય સેતુપતિએ નકારાત્મક ભૂમિકા (Negative role) ભજવી હતી. જવાન મુવીમાં વિજય વિલન બન્યો હતો. જવાન ફિલ્મે એક હજાર કરોડની કમાણી કરી હતી.
નોંધનીય છે કે, "રામાયણ" નો પહેલો ભાગ દિવાળી 2026 પર રિલીઝ થશે, જ્યારે બીજો ભાગ 2027 માં રિલીઝ થશે. શૂટિંગ પૂર્ણ થઈ ગયું છે, અને પાત્રોના દેખાવને જાહેર કરવા માટે એક મોટી ઇવેન્ટ માર્ચ (Event March) માં યોજાવાની છે. જો કે, વિભીષણના રોલ માટે વિજય સેતુપતિ અથવા નિર્માતા (Producer) ઓ તરફથી હજુ સુધી કોઈ સત્તાવાર પુષ્ટિ મળી નથી.
આ પણ વાંચો---મોતને હરાવીને કેવી રીતે પાછી ફરી પ્રિયંકાની લાડલી? પિતા નીક જોન્સે જણાવી હકિક્ત