Awarapan 2 Box Office Collection: ઇમરાન હાશ્મીની સૌથી મોટી ઓપનિંગ, 'આવારાપન 2' એ મચાવી જોરદાર ધૂમ

'આવારાપન 2' એ મચાવી જોરદાર ધૂમ

મીડિયા રિપોર્ટ્સ અને ટ્રેડ એનાલિસ્ટ્સના જણાવ્યા અનુસાર, 'આવારાપન 2' એ ભારતીય બજારમાં રિલીઝના પહેલા જ દિવસે 21 કરોડ રૂપિયાનું શાનદાર નેટ કલેક્શન નોંધાવ્યું છે, જ્યારે ફિલ્મનું કુલ ગ્રોસ કલેક્શન 25 કરોડ રૂપિયા રહ્યું છે. માત્ર ભારતમાં જ નહીં, પરંતુ વિદેશી બજારોમાં પણ આ ફિલ્મે સારો એવો વ્યાપ જમાવ્યો છે. વૈશ્વિક સ્તરે ફિલ્મે 2 કરોડ રૂપિયાની કમાણી કરી છે, જેના કારણે ફિલ્મનું પહેલા દિવસનું કુલ વર્લ્ડવાઈડ ગ્રોસ કલેક્શન 27 કરોડ રૂપિયાના આંકડાને સ્પર્શી ગયું છે. આ રેકોર્ડબ્રેક કમાણી સાથે 'આવારાપન 2' એ ઇમરાન હાશ્મીના સમગ્ર સિનેમા કરિયરની સૌથી મોટી ઓપનિંગ કરનાર ફિલ્મ બનવાનો રેકોર્ડ પોતાના નામે કર્યો છે.

સિનેમાઘરોમાં ફિલ્મને લઈને દર્શકોનો ભારે ઉત્સાહ

સિનેમાઘરોમાં ફિલ્મને લઈને દર્શકોનો ભારે ઉત્સાહ જોવા મળ્યો હતો અને પહેલા દિવસે થિયેટરોમાં આશરે 45 ટકા જેટલી ઓક્યુપન્સી નોંધાઈ હતી. ટ્રેલર રિલીઝ થયા ત્યારથી જ દર્શકોમાં આ ફિલ્મને લઈને જે ઉત્સુકતા હતી, તે સિનેમાઘરોમાં ટિકિટબારી પર સફળતામાં રૂપાંતરિત થઈ છે. ફિલ્મના ગીતો, સંવાદો અને રોમાંચક દ્રશ્યોએ દર્શકોને મંત્રમુગ્ધ કરી દીધા છે. સોશિયલ મીડિયા પર પણ ફિલ્મને પોઝિટિવ રિવ્યુ મળી રહ્યા છે, જેને જોતા આગામી દિવસોમાં આ ફિલ્મ બોક્સ ઓફિસ પર વધુ મોટા રેકોર્ડ તોડે તેવી પૂરી સંભાવના છે.

આ પણ વાંચો: Bhavnagar: ભાવનગરમાં સ્વતંત્રતા દિવસની ભવ્ય ઉજવણી, શહીદ પરિવારના બાળકો માટે રૂ. 1.11 લાખની સહાય