Hanuman Anshનું ભજન ગાઈને છવાયા સુનીલ લોધી, ટ્રેનથી Bollywood સુધીની સફર

નીમ કરોલી બાબા પર આધારિત ફિલ્મ Hanuman Ansh 31 જુલાઈ 2026ના રોજ સિનેમાઘરોમાં રિલીઝ થઈ હતી. ફિલ્મનું ભજન સોશિયલ મીડિયા પર વાયરલ થયા બાદ લોકો તેના ગાયક વિશે જાણવા ઉત્સુક બન્યા હતા. ત્યારબાદ સુનીલ લોધીનું નામ ચર્ચામાં આવ્યું. તેઓ હનુમાનજીના ભક્ત અને બુંદેલખંડના જાણીતા લોકગાયક હોવાનું સામે આવ્યું.

સોશિયલ મીડિયા પર ભજનનો જબરદસ્ત ક્રેઝ

આ ભજનને YouTube પર 30 કરોડથી વધુ વ્યૂઝ મળ્યા હોવાનો દાવો કરવામાં આવી રહ્યો છે. Instagram પર પણ ગીત સાથે જોડાયેલી અનેક Reels વાયરલ થઈ રહી છે. આ રીતે સુનીલ લોધીની લોકગાયકીનો અવાજ હવે દેશભરમાં લોકો સુધી પહોંચી રહ્યો છે.સુનીલ લોધી જન્મથી જ દૃષ્ટિહીન છે. પરિવારની આર્થિક સ્થિતિ નબળી હોવાને કારણે તેઓ નિયમિત શિક્ષણ મેળવી શક્યા નહોતા. તેમણે સંગીતની કોઈ પ્રોફેશનલ ટ્રેનિંગ પણ લીધી નથી. છતાં બાળપણથી જ સંગીત પ્રત્યે તેમનો લગાવ રહ્યો.

10 વર્ષની ઉંમરે શીખ્યું તંબૂરા વગાડવાનું

સુનીલ લોધીએ માત્ર 10 વર્ષની ઉંમરે તંબૂરા વગાડવાનું શીખી લીધું હતું. ત્યારબાદ તંબૂરા સાથે ગામે-ગામે ફરીને ભજન ગાવાનું શરૂ કર્યું. ક્યારેક ટ્રેનોમાં પણ ભજન ગાઈને તેઓ રોજગાર મેળવતા હતા.સોશિયલ મીડિયા મારફતે તેમની પ્રતિભા ફિલ્મના નિર્દેશક વિશાલ ચતુર્વેદી સુધી પહોંચી હતી. ત્યારબાદ તેમને ‘Hanuman Ansh’માં ભજન ગાવાની તક મળી. એક તંબૂરા, હનુમાનજી પ્રત્યેની આસ્થા અને પોતાની પ્રતિભાના આધારે સુનીલ લોધીએ હવે એક નવી ઓળખ બનાવી છે.

આ પણ વાંચો: Banaskantha News: જીવાણા ગામે દૂધમંડળીની સભામાં હોબાળો, મારામારીનો વીડિયો વાયરલ

Excellent work by Vishal Chaturvedi! ❤️ https://t.co/Mk4gFylQuu

— CHATURVEDI BUSINESS NETWORK (@ChaturvediBiz) August 31, 2026