જૌહર નિવેદન પર ધીરેન્દ્ર શાસ્ત્રીની નારાજગી
મળતા અહેવાલો મુજબ, ધીરેન્દ્ર શાસ્ત્રીએ એક કાર્યક્રમ દરમિયાન સ્વરા ભાસ્કરનું નામ લીધા વિના તેમના નિવેદન પર આકરી પ્રતિક્રિયા આપી હતી. તેમણે જૌહરને કાયરતા નહીં પરંતુ સાહસ અને બલિદાન સાથે જોડાયેલું ગણાવ્યું હતું.
તેમણે જૌહર અને ભારતીય સંસ્કૃતિ (Indian Culture) અંગે પણ પોતાની વાત રજૂ કરી હતી. આ દરમિયાન તેમણે સ્વરા ભાસ્કરના લગ્ન અને તેમના પતિના ધર્મને લઈને પણ ટિપ્પણી કરી હતી, જેના કારણે તેમના નિવેદનની વધુ ચર્ચા થઈ રહી છે.
અગાઉ પણ થઈ ચૂકી છે ટીકા
સ્વરા ભાસ્કરના નિવેદન સામે અગાઉ કથાકાર અનિરુદ્ધાચાર્ય પણ વાંધો વ્યક્ત કરી ચૂક્યા છે. આ ઉપરાંત ભાજપના ધારાસભ્ય મૈથિલી ઠાકુરે પણ અભિનેત્રીના નિવેદન અંગે નારાજગી વ્યક્ત કરી હોવાનું અહેવાલોમાં સામે આવ્યું હતું. એટલે આ મુદ્દો હવે માત્ર સોશિયલ મીડિયા ચર્ચા પૂરતો સીમિત રહ્યો નથી.
શું કહ્યું હતું સ્વરા ભાસ્કરે?
વિવાદની શરૂઆત સ્વરા ભાસ્કરે એક કાર્યક્રમમાં ફિલ્મ ‘પદ્માવત’ના જૌહર દૃશ્ય અંગે કરેલી ટિપ્પણી બાદ થઈ હતી. અભિનેત્રીએ જણાવ્યું હતું કે ફિલ્મમાં દર્શાવવામાં આવેલો જૌહરનો સીન તેમને અસ્વસ્થ કરી ગયો હતો.તેમણે સવાલ ઉઠાવ્યો હતો કે પોતાની ઇજ્જત બચાવવા માટે મહિલાઓએ મૃત્યુને સ્વીકારવું કેટલું યોગ્ય છે? આ નિવેદન બાદ કેટલાક લોકોએ દાવો કર્યો કે અભિનેત્રીએ જૌહરને કાયરતા ગણાવ્યો છે.જોકે, સ્વરા ભાસ્કરે બાદમાં પોતાના નિવેદન અંગે સ્પષ્ટતા પણ કરી હતી. તેમ છતાં Jauhar Controversy ફરી ચર્ચામાં આવી છે અને ધીરેન્દ્ર શાસ્ત્રીની પ્રતિક્રિયા બાદ વિવાદ વધુ ગરમાયો છે.
આ પણ વાંચો: Rajkot Ganja Raid News : રાજકોટ રેલવે સ્ટેશને LCB નો સપાટો, 18 કિલો ગાંજા સાથે છત્તીસગઢનો શખ્સ ઝડપાયો
